उनको आगमनले क्लबको रणनीतिक योजना, संस्थागत व्यवस्थापन र दीर्घकालीन लक्ष्यलाई स्पष्ट दिशा प्रदान गर्ने विश्वास लुम्बिनी लायन्सले व्यक्त गरेको छ ।

‘यो नियुक्तिले टिम व्यवस्थापनलाई अझ सुदृढ बनाउने विश्वास हामीले लिएका छौं । उहाँको आगमनले खेलाडीको विकास र समग्र टिमको प्रदर्शनमा सकारात्मक प्रभाव पार्नेछ,’ लुम्बिनी लायन्सले भनेको छ ।

लुम्बिनी लायन्सका अध्यक्ष ईश्वर जीसीले पनि आगामी दिनमा क्लबले थप प्रगति हासिल गर्ने विश्वास व्यक्त गरेका छन् ।

‘भावना घिमिरेलाई लुम्बिनी लायन्सको परिवारमा स्वागत गर्न पाउँदा हामी उत्साही छौं । उहाँको अनुभव, नेतृत्व क्षमता र क्रिकेटप्रतिको समर्पणले क्लबलाई नयाँ उचाइमा पुर्‍याउनेमा हामी विश्वस्त छौं,’ उनले भनेका छन् ।