बुटवल । रुपन्देहीको बुटवलमा भएको रुपन्देही फेशन रनवे २०२५ को उपाधि बुटवलकी निर्विता रेग्मीले जितेकी छन् ।
पि प्रोडक्सनको आयोजनामा भएको रुपन्देही फेशन रनवेमा दुई दर्जन प्रतिस्पर्धीलाई पछाडी पार्दै रेग्मीले उपाधिसहित क्राउन जितेकी हुन् । विजेता बन्दै रेग्मीले नगद २५ हजार रुपैया, प्रमाणपत्र र थुप्रै गिफ्ट हेम्पर जितेकी छन् ।
नगद सहित उनले एक वर्षको मोडलिङको अवसर, राष्ट्रिय लेवलको मोडलिङमा तालिम र सहभागिताको अवसर पनि पाउने पि प्रोडक्सनका इभेन्ट म्यानेजर प्रशान्त शाहले जानकारी दिए । बुटवलमा चरण चरणमा भएको तालिम र विभिन्न प्रकारका प्रतिस्प्रर्धी प्रतियोगिताबाट पि प्रोडक्सनले विजेता छानेको शाहले बताए ।
यस्तै फेशन रनवे प्रतियोगितामा प्रियंका थापा मगर फष्ट रनरअप, एलिना थापा मगर सेकेण्ड रनरअप र अर्विन विश्वकर्माले थर्ड रनरअपको उपाधि जितेका छन् । उनीहरु विजेता बन्दै थुप्रै पुरस्कार र प्रमाणपत्र प्राप्त गरेको शाहले बताए ।
यस्तै प्रतियोगितामा प्रियंका भुसालले पक्लिक च्वाइस, सुनिता विकले अर्गनाइजर च्वाइस, विनिता सुनारले भिवर च्वाइस, जोया थापाले मष्ट फोटोजेनीक, निर्विता रेग्मीले मष्ट कन्फिडेन्ट, एलिना थापाले मल्टिमिडिया, काभ्या भट्टराईले मष्ट पपुलर एवार्ड प्राप्त गरेका हुन् ।
कार्यक्रममा इन्टरनेशनल फेशन डिजाईनर अमित बराल, नेशनल फेशन कोरियोग्राफर इस्मीत तामाङ, फेशनर 
डिजाइनर हरि पंगेनी र प्रिन्सु खड्काले निर्णायको भुमिका निभाउनु भएको थियो भने सम्पुर्ण इभेन्टको कोरियोग्राफि रेनुका चौधरीले गरेका थिए ।
