बुटवल । दशौं राष्ट्रिय हाप्किदो प्रतियोगिता बुटवलमा हुने भएको छ ।
आयोजक संस्था नेपाल हाप्किदो संघले बुटवलमा पत्रकार सम्मेलनको आयोजना गरी दशौं राष्ट्रिय हाप्किदो प्रतियोगिता असार ५ र ६ गते बुटवलमा हुन लागेको जानकारी दिएको हो ।
कार्यक्रम संयोजक कालीबहादुर घर्ती मगरले नयां प्रतिभाहरुको पहिचान तथा प्रोत्साहन एवं हाीपकदो खेलको पहुंच राष्ट्रिय स्तरमा विस्तार गर्नु प्रतियोगिताको मुख्य उद्देश्य रहेको बताए ।
बुटवलका नविन औद्योगिक कदर बहादुर रिता माध्यमिक विद्यालयमा हुने प्रतियोगितामा देशभरबाट ५ सय बढि खेलाडि, प्रशिक्षक, रेफ्री तथा निर्णायकको सहभागिता हुने उनले बताए ।
प्रतियोगितामा फाईटिङ, क्याडेट जुनियर सिनयिर डिभिजन, हाई फल लङ फल, उचाई र दुरी अनुसारका प्रदर्शनात्मक ईभेन्टहरु, सेल्फ डिफेस आदि ईभेन्ट हुने आयोजकको भनाई छ ।
प्रतियोगितामा कुल ३० लाख खर्च अनुमान गरिएको छ ।
