महोत्सवमा कृषि तथा पशुपालनजन्य सामग्री, घरेलु तथा साना उद्योगबाट उत्पादित वस्तु, मनोरञ्जनात्मक पिङ्सहित विविध सांस्कृतिक झाँकीहरू प्रदर्शनीमा रहनेछन्। डेढ लाख दर्शक भित्र्याउने लक्ष्य राखिएको छ।गुल्मी चेम्बर अफ कमर्स अध्यक्ष दुर्गाप्रसाद पाण्डेयका अनुसार महोत्सवले जिल्लाको आर्थिक गतिविधि सक्रिय बनाउन मद्दत गर्नेछ। “स्थानीय उत्पादन, संस्कृति र पर्यटनलाई प्राथमिकता दिइएको छ,” उनले बताए।

इन्द्रेणी टिमसहित १०० बढी कलाकारको प्रस्तुति

सांस्कृतिक कार्यक्रम संयोजक टामलाल केसीका अनुसार महोत्सवमा इन्द्रेणी टिमसहित विभिन्न विधाका करिब एक सय कलाकारहरूको आकर्षक प्रस्तुति रहनेछ।
लोकप्रिय कलाकारहरूमा बोमबहादुर कार्की, शिव परियार, पशुपति शर्मा, कुलेन्द्र विक, रचना रिमाल, समिक्षा अधिकारी, दुर्गेश थापा, प्रीति आले, ज्योति मगर, खेम सेञ्चुरी लगायत छन्।
त्यस्तै, हास्य कलाकार पुरुषोत्तम भण्डारी ‘पुर्खे बा’, माईला बा, बलराम मगर, र जादुगर गुन्दुकेको पनि विशेष प्रस्तुति रहनेछ।
मेलाको प्रचारप्रसार संयोजक प्रेम घिमिरेका अनुसार महोत्सवलाई सफल बनाउन २९ वटा उपसमितिहरू सक्रिय रुपमा खटिएका छन्।