बुटवल । बुटवलमा अहिले पनि खुल्याम रुपमा बाख्रीको मासु विक्रि वितरण हुने गरेको भेटिएको छ ।
खसी, बोको भन्दै बाख्रीको मासु अहिले पनि बजारमा खुल्याम रुपमा विक्रि वितरण गर्ने गरेको आईतबार बुटवलमा भएको मासु पसल अनुगमनका क्रममा भेटिएको हो ।
खसी, बोकालाई बुटवलको अत्याधुनिक पशु बधशालामा बध गरेर मात्र विक्रि गर्नुपर्ने नियमलाई कडाईका साथ पालना गराउन हिडेको अनुगमन टोलीले सो क्रममा दुई पसलमा बाख्रीको मासु विक्रि वितरण भएको फेला पारेको छ ।
बुटवल–८ स्थित हलाल मासु एण्ड माछा पसल र बुटवल–१० स्थित न्यू रेहेमान मासु पसलमा बाख्रीको मासु विक्रि भएको फेला पारेको हो ।
अनुगमन टोली पुग्न साथ हलाल मासु एण्ड माछा पसलका सञ्चालकले झुण्डाएर विक्रि गरिरहेको बाख्रीको मासु हतार हतार लुकाउने प्रयास गरेका थिए ।
