उनले हाम्रो सुशासन खै कता छ ? संघीयता खै कता छ ? यो स्वास्थ मन्त्रालयले के काम गर्छ ? स्वास्थ सेवा ? बिभाग हो कि दुःख हो अनि यहाँ के काम हुन्छ ? एउटा नमूना फाइल (कपिलवस्तु डायलासिस सेन्टर) ले हामी कुन दुनियाँमा छौ ? किन हामी दुनियाँमा झनझन पछि पर्दै छौ ? हाम्रो ब्युरोक्रेसीको कामको नमूना आदि धेरै कुरा प्रष्ट पार्छ । लेखक लाई कथा छ, पत्रकारलाई रोचक समाचार छ, वकिललाई मुद्दा र बहस छ । अख्तियार र सतर्कता केन्द्रलाई कामको मेलो छ । उनले आक्रोश पोखेका छन् ।

बुटवलको गौतमबुद्ध सामुदायिक मुटु अस्पतालले पश्चिम क्षेत्रका मिर्गौलाका बिरामीहरुलाई उपचारमा समस्या भएपछि रोटरी क्लवको सहयोगमा कपिलबस्तुको बाणगंगामा कपिलबस्तु सामुदायिक डायलासिस सेन्टर स्थापना गरेको थियो । बाणगंगा जेसिसको भवनमा ५ करोड लगानीमा स्थापना गरिएको डायलासिस सेन्टरमा १० वटा डायलासिस मेसिनले परीक्षण उपचार समेत सम्पन्न गरीसकेका छन् ।

तर स्वीकृतिको फाइला स्वास्थ्य सेवा बिभागका कर्मचारीले बिभिन्न बाहाना देखाएर अगाडी नबढाएपछि सांसद पन्थीले आक्रोश पोखेका हुन् ।

पन्थीले लेखेको खुल्ला पत्र यस्तो छ–
सम्माननीय प्रधानमन्त्रीज्यु लाई जानकारी र माननीय स्वास्थमन्त्री प्रदीप पौडेलज्यु, स्वास्थ सचिब रोशन पोख्रेलसहित जम्बो सचिब (५जना) टीम र निर्देशक संगिता कौसल मिश्रका नाममा खुला पत्रः हाम्रो सुशासन खै कता छ ? संघीयता खै कता छ ? यो स्वास्थ मन्त्रालयले के काम गर्छ ? स्वास्थ सेवा ? बिभाग हो कि दुःख हो अनि यहाँ के काम हुन्छ ? एउटा नमूना फाइल (कपिलवस्तु डायलासिस सेन्टर) ले हामी कुन दुनियाँमा छौ ? किन हामी दुनियाँमा झनझन पछि पर्दै छौ ? हाम्रो ब्युरोक्रेसीको कामको नमूना आदि धेरै कुरा प्रष्ट पार्छ । लेखकलाई कथा छ, पत्रकारलाई रोचक समाचार छ, वकिललाई मुद्दा र बहस छ । अख्तियार र सतर्कता केन्द्रलाई कामको मेलो छ । प्रदेश स्वास्थ मन्त्रालयबाटै हुनुपर्ने कामलाई काठमाडौं तानेर अनावश्यक देशको ढुकुटीबाट भत्ता खाएर १७ महिनादेखि २१ पटक अध्यक्ष एजाज आलम र म पालैपालो धाउँदा समेत फाइलको टुङ्गो अझै नलागेर घुम्दै छ । कति घुमाउन सकेको हो ? अब हामी कपिलवस्तुका किड्नी पीडितको तर्फबाट सर्बोच्च अदालतमा मुद्दा हाल्ने तयारीमा छौं । आशा छ यो मुद्दाले नेपालमा फाइल अड्कने घुम्ने काम र संघीयतामा सुधार हुनेछ, किड्नी पीडितले न्याय पाउनेछन् ।