बुटवल । बुटवलको बेलबासमा सडक दुर्घटनामा हुँदा एक जनाको मृत्यु भएको छ ।
बुटवलबाट पश्चिम तर्फ जाँदै गरेको बलेरो जिप, बँदेल पोखरीबाट महेन्द्र राजमार्गमा निस्कँदै गरेको मोटरसाइकल र मुर्गियाबाट बुटवल आउँदै गरेको स्कुटर एक आपसमा ठोक्किएर दुर्घटनामा हुँद्या एक जनाको मृत्यु भएको हो । मृत्यु हुनेमा अर्घाखाँचीको सन्धिखर्क नगरपालिका घर भई बुटवल उपमहानगरपालिका ११ देविनगर बस्दै आएकी २७ वर्षीया सुश्मा श्रेष्ठ भएको प्रहरीले जनाएको छ।
श्रेष्ठ मुर्गिया बाट लु ८७ प ४५७३ नं. को स्कुटरमा बुटवल तर्फ आउँदै थिईन । बुटवल १२ शान्ती चोकमा आउँदा उनलाई नं. नखुलेको मोटरसाईकलले ठक्कर दिएको थियो । त्यसपछि उनको स्कुटर बदेलपोखरीबाट मुख्य राजमार्ग तर्फ आउँदै गरेको लु १ च ६७८३ नं. को बलेरो जीप सँग ठोकिएको थियो ।
बलेरो मुनि परेकी उनलाई उपचारका लागि अस्पतालमा लैजादै गर्दा मृत्यु भएको प्रहरीले जनाएको छ ।
इलाका प्रहरी कार्यालय बुटवलका प्रहरी निरिक्षक दिपेन्द्र बानियाले स्कुटरलाई ठक्कर दिने मोटरसाईकलको खोजी भइरहेको बताए ।