कार्यक्रमको आयोजक कमिटीमा रिजन चेयरपर्सन भूपराज काफ्ले, दीपक आचार्य, शंकर प्रसाद पाण्डे, जोन चेयरपर्सन लोकेन्द्र मल्ल, भवानी खतिवडा, लता शाह चन्द, रीता कँडेल कोइराला, शान्ता अर्याल र कमला ज्ञवाली रहेका थिए । पदस्थापन पश्चात् कार्यक्रमको अध्यक्षता खडानन्द भट्टराईले गरेका थिए । समारोहमा स्वागत मन्तव्य कार्यक्रम संयोजक पुरुषोत्तम मैनाली र धन्यवाद ज्ञापन रिजन चियर पर्सन दिपक आचार्यले गरेका थिए ।

समारोहमा कार्यक्रम संयोजक पुरुषोत्तम मैनालीले हिन्दुहरुको महिलाहरुको महान चाड हरितालिका तिजको उपलक्ष्यमा उपस्थित महिला दिदीबहिनीहरुलाई सम्मान स्वरुप सल र चुरा उपहार दिइ शुभकामना दिएकी थिइन ।

समारोहमा निवर्तमान गभर्नर भिमलाल पौड्याल, पूर्व गभर्नर महेन्द्र पौडेल, फर्स्ट भिडिजी धनिराम बराल, सेकेन्ड भिडिजी रत्नप्रसाद पराजुली, क्याबिनेट ट्रेजरर शम्भु बास्तोला, डिस्टिक चिफ एडभाइजर किशोर बराल, डिस्ट्ीक लिडरहरु दिपक खरेल, लिलामणी खरेल, फर्सुुराम पाण्डे, रामप्रसाद खनाल, रामहरि ज्ञवाली लगायत लायन्स लिडरहरु, विभिन्न क्लबका पदाधिकारी सदस्यहरु, लियो क्लबका पदाधिकारी सदस्यहरु गरी करिब ३५० जनाको उपस्थिति रहेको थियो ।

कार्यक्रममा गभर्नर चण्डी प्रसाद अर्यालले आफ्नो कार्यकाललाई यो वर्षका लागि ल्याएको ‘टुगेदर वी क्यान’ नारा सफल र सुनौलो बनाउन पदस्थापित क्लबका अध्यक्ष तथा पदाधिकारीलाई आग्रह गरेका थिए । त्यस्तै शुभकामना दिदै लायन्स लिडरहरुले सेवालाई प्रमुख केन्द्रमा राखेर कार्ययोजना निर्माण र त्यसलाई पुरागर्न सुझाएका थिए ।

कार्यक्रममा विभिन्न क्लबका निवर्तमान अध्यक्षहरुले आफूले सम्पन्न गरेका महत्वपूर्ण योजनाहरुको चर्चा गरेका थिए भने वर्ष २०२४÷२५ को लागि अनुबन्धित अध्यक्षले गभर्नरले ल्याएको ‘टुगेदर वी क्यान’ को नारालाई सफलिभूत बनाउन अहोरात्र गरिने वार्षिक कार्ययोजना प्रस्तुत गरेका थिए ।

कार्यक्रममा बोल्दै निवर्तमान डिष्ट्रिक्ट गभर्नर भिमलाल पौड्यालले आफ्नो कार्यकाललाई लक्ष्य प्राप्तिमा उत्कृष्ट कार्य गर्ने क्लब र पदाधिकारीहरुको प्रशंसा गर्दै धन्यवाद दिएका थिए ।