बुटवल । बुटवलस्थित बुटवल बहुमुखी क्याम्पसको निमित्त क्याम्पस प्रमुखको जिम्मेवारी डा. दुर्गा भुसाललाई दिइएको छ ।
रिक्त क्याम्पस प्रमुख पदमा त्रिभुवन विश्वविद्यालय कार्यकारी परिषद्को साउन २८ गतेको निर्णय अनुसार डा. भुसाललाई अर्को व्यवस्था नभएसम्मका लागि निमित्त क्याम्पस प्रमुखको जिम्मेवारी तोकिएको उपकुलपति प्रा.डा. केशर जङ्ग बरालले जानकारी दिए ।
क्याम्पस प्रमुख डा. खिमानन्द न्यौपानेले आफ्नो स्वास्थ्यमा समस्या परेकाले क्याम्पस प्रमुख पदमा रही कार्य गर्न नसक्ने भन्दै गत साउन २४ गते राजीनामा दिएका छन् ।
अर्घाखाँचीको मालारानी गाउँपालिका–५ मा जन्मिएका डा. भुसाल बुटवल उपमहानगरपालिका–१२ निवासी हुन । उनले २०६२ सालदेखि बुटवल बहुमुखी क्याम्पसमा अध्यापनरत भुसालले विद्यावारिधी (पीएचडी) गरेका छन् ।
