बुटवलको मणिमुकुन्द सेन उद्यान फुलबारीमा एकवर्षमा झण्डै सात लाख पर्यटकले अवलोकन गरेका छन् ।
गत आर्थिक वर्ष २०८०÷८१ मा झण्डै साढे पांचलाख पर्यटक सशुल्क र एकलाख पचास हजार पर्यटक निशुल्क प्रवेश गरेको मणिमुकुन्द सेन उद्यान संरक्षण समितिले जनाएको छ ।
यो अवधीमा ५७ हजार बढि भारतीय पर्यटक र तिन लाख ९० हजार बढि आन्तरिक पर्यटक रहेका छन् । समितिले बुधवार पत्रकार सम्मेलन गरी उद्यानमा एकवर्षको अवधीमा भएगरेका कामहरुको बारेमा जानकारी गराएको थियो ।
सोहि अवसरमा समितिका महासचिव युवराज घिमिरेले गत आर्थिक वर्षमा ३ करोड ७३ लाख ६१ हजार आम्दानी गरि ३ करोड ३७ लाख १४ हजार बराबरको विभिन्न कामहरु गरिएको बताए ।
यो अवधीमा शिवालय मन्दिर पुनर्निर्माण, कुंडुले घर तथा सन्चोविसन्चो केन्द्र निर्माण चिडियाखाना र बगैंचा निर्माण निर्माण तथा व्यवस्थापन लगायतका कार्यहरु सम्पन्न गरिएको बताए ।
समितिका अध्यक्ष माधव नेपालले उद्यानमा विभिन्न संरचनाहरुको विकास तथा निर्माण गर्नुपर्ने भएपछि श्रोत अभावका कारण काम अगाडी बढाउन नसकिएको बताए ।
उनले मणिमुकुन्द सेन उद्यान फुलबारी मात्र नभई पुरातात्विक सम्पदा भएकोले यसलाई राष्ट्रिय सम्पदा सूचीमा सूचीकृत गराउनका लागि सबै क्ष्ँेत्रबाट पहल हुनुपर्ने बताए ।
फुलबारीलाई आकर्षक बनाउन सके स्वदेशी तथा विदेशी पर्यटकहरु समेत भित्राउन सकिने अध्यक्ष नेपालले बताए ।
