लायन्स क्लब अफ बुटवल क्षितिजको ०८ औ चार्टर्ड बार्सिकउत्सब तथा पदस्थापन समारोह सम्पन्न भएको छ ।
लायन्स क्लब अफ बुटवल क्षितिज बर्ष २०२३÷२४ अध्यक्ष लायन धुब्र कुमार शर्माले बर्ष २०२४÷२५ का लागि नव निर्वाचित अध्यक्ष आबिस्कार खनाललाई पदहस्तान्तरण गर्नुभएको छ । बर्ष ०२४÷०२५ को क्लबको प्रथम उपाध्यक्षमा श्री खरेल, द्वितीय उपाध्यक्षमा उदय खत्री, तृतीय उपाध्यक्षमा गुप्त पुन, सचीवमा प्रदिप गुप्ता, कोषाध्यक्षमा गोपाल रेग्मी, क्लब निर्देशकमा इन्द्र प्रसाद भट्टराई र दिपक सापकोटा रहेका छन ।
नवनिर्वाचित अध्यक्ष तथा पदाधिकारीहरुलाई कार्यक्रमका प्रमुख अतिथि लायन्स डिष्ट्रक ३२५ पि बर्ष २०२३÷२४ का गभर्नर पिएमजेफ लायन अर्जुनमान सैजुले शुभकामना दिदै लायन्स क्लब अफ बुटवल क्षितिजले नाम अनुसारको काम गर्न सफल भएको बताए । उनले आगामी दिनमा क्लबलाइ अझ उचाइमा पुर्याउनु पर्ने र त्यसका लागि सामाजिक काममा अग्रसरता बढाउनुपर्ने बताए ।
कार्यक्रमका बिशिस्ट अतिथि लायन्स डिष्ट्रक ३२५ पि बर्ष २०२४÷२५ का डिष्ट्रक गभर्नर एमजेफ लायन पुरुषोत्तम भक्त प्रधानाङले क्लवले नवित्तम कार्यक्रम अगाडि बढाउंदा डिष्ट्रिक बाट सक्दो सहयोग हुने बताए ।
उक्त अवसरमा पुर्ब गभर्नर नवराज न्यौपाने, डिष्ट्रक पदाधिकारी अनिल श्रेष्ठ, डाक्टर मनोज ढुंगाना लगायतले बोल्दै शुभकामना दिएका थिए ।
कार्यक्रममा पुर्ब गभर्नर अरुण प्रताप राणा, महेन्द्र नारायण श्रेष्ठ, बर्ष २०२४÷२५ डिष्ट्रकका प्रथम उपाध्यक्ष बालाराम भट्टराई, द्वितीय उपाध्यक्ष सन्दिप कशौधन, डिष्ट्रक सेक्रेटरी माधव खनाल डिष्ट्रकका अन्य पदाधिकारीहरु , एरिया , जोनका पदाधिकारीहरुको उपस्थिति रहेको थियो ।
पदभार ग्रहण पश्चात बोल्दै बर्ष ०२४÷०२५ का अध्यक्ष खनालले लायन्स क्लब अफ बुटवल क्षितिजको गरिमालाइ कायम राख्दै लायन्सको मर्म र भावना अनुसार काम गर्ने बताए ।
क्लबका सस्थापक अध्यक्ष राजिव श्रेष्ठको स्वागत, सचीवद्वय गुप्त पुन, प्रदीप गुप्ता र पुर्ब अध्यक्ष शंकर पाण्डेको संचालनमा सम्पन्न उक्त कार्यक्रममा चर्चित गायक बसन्त श्रेष्ठको सांगीतक प्रस्तुति समेत रहेको थियो ।
