![](https://tinaunews.com/wp-content/uploads/2023/06/death_10NHEbCl3O.gif)
पाल्पाको तिनाउ गाउँपालिका–३, दोभानस्थित तिनाउ खोलाको ड्याम साइडमा डुबेर एक भारतीय नागरिकको आइतबार मृत्यु भएको छ ।
भारतको गोरखपुर थाना सैजन्वा रंगौलिग्राम उत्तर प्रदेश बस्ने १५ वर्षीय आर्यन कुमारको तिनाउ खोलामा डुबेर मृत्यु भएको प्रहरी कार्यालय पाल्पाका सूचना अधिकारी डीएसपी सुगन्ध श्रेष्ठले जानकारी दिए । उनका अनुसार आफ्नो परिवारसहित १५/१६ जना घुम्न आएका आर्यन पौडी खेल्ने क्रममा डुबेर बेपत्ता भएका थिए ।
प्रहरी चौकी दोभानबाट प्रहरी वरिष्ठ नायव निरीक्षकको कमाण्डमा टोली खटिई स्थानीयको सहयोगमा खोजतलास गर्नेक्रममा सोही स्थानमा आर्यन मृत फेला परेका थिए । घटनाका सम्बन्धमा थप अनुसन्धान भइरहेको प्रहरीले जनाएको छ ।