![](https://tinaunews.com/wp-content/uploads/2022/12/accident-bus_VkrxaeOBdT.jpg)
बुटवल । बुटवलमा एम्बुलेन्सको ठक्कर बाट एक महिलाको मृत्यु भएको छ । बुटवलको झोलुंगे पुल नजिकै एम्बुलेन्सको ठक्करबाट बुटवल ११ देविनगरकी ५६ बर्षिय कमला नेपालीको मृत्यु भएको प्रहरीले जनाएको छ । ठक्करबाट अन्य २ जना घाईते भएका छन् ।
आइतबार बिहान अर्घाखाँचीदेखि बिरामी लिएर आएको लु १ झ ५३१ को एम्बुलेन्सले नेपालीलाई ठक्कर दिएको थियो ।
एम्बुलेन्सको ठक्करबाट घाईते भएकी नेपालीलाई उपचारका लागि लुम्बिनी प्रादेशिक अस्पताल लगेपनि उनलाई चिकित्सकले मृत घोषणा गरेका थिए ।
एम्बुलेन्सको ठक्करबाट ५५ वर्षीया हरिकला नेपाली र ३५ वर्षीया झुपा ठडराई घाइते छन् ।
इलाका प्रहरी कार्यालय बुटवलका डीएसपी विजयराज पण्डितले गम्भीर बिरामी लिए आएको एम्बुलेन्सले मर्निङ वाकमा निस्किएकाहरूलाई ठक्कर दिएको बताए । ‘जेब्रा क्रसिङ नेर बाटो क्रस गर्दा हानेको जस्तो देखिन्छ । घटनाको अनुसन्धान भइरहेको छ,’ डीएसपी पण्डितले भने ।