प्रशिक्षण कार्यक्रममा सहजीकरण गर्दै नेपाल प्रहरी राजमार्ग सुरक्षा तथा सवारी ब्यबस्थापन कार्यालय बुटवलका प्रहरी निरीक्षक शोभा पाण्डेले सवारी सूरक्षित रुपमा यात्रा गराउनु चालकको जिम्मेवारी भएको भन्दै आफुले चलाएको गाडीमा आफ्नो परिवारका सदस्य पनि सवार छन भन्ने सोचेर होशियारीकासाथ सवारी चलाउदा दुर्घटना कम हुने दाबी गरिन् । पाण्डेले छिटो गन्तब्यमा पुग्ने र धेरै यात्रु चढाउने प्रतिस्पर्धा गर्ने भन्दा पनि गुणस्तरीय चालक बन्ने प्रयास गर्न चालकहरुलाई आग्रह गरिन् ।

सभ्य भाषा नम्र बोली व्यवहारसहितको सेवा नै अचुक औषधि भएको बताउदै उनले अपांग र आरक्षण सिट कार्यान्वयन गर्र्नुपर्नेमा जोड दिइन् । प्रालिका अध्यक्ष दधिराम खरेलले मानवीय लापरवाहीले दुर्घटना गराउने छुट अब नहुने बताए ।

खरेलले यात्रुले पनि चालकलाई सम्मान गर्न सक्नुपर्ने बताए । पश्चिम नेपाल बस ब्यबसायी प्रालिका संचालक तथा सवारी दुर्घटना न्यूनिकरण तथा आन्तरिक ब्यबस्थापन समितिका संयोजक नारायण प्रसाद घिमिरेले अहिलेसम्म प्रालिले ८ हजार ५०० चालक र परिचालकलाई प्रशिक्षण दिएको बताए । चालकले मानवीय त्रुटि नगर्न आग्रह गर्दै त्यस्तो भेटिए प्रालि चालकलाई कारवाही गर्न पनि पछि नपर्ने बताए ।

कार्यक्रममा प्रालिका सञ्चालक जितेन्द्र खत्री, कार्यक्रम सहसंयोजक नारायण भण्डारी, सञ्चालक रामचन्द्र खड्का, लालबहादुर गुप्ता, मजदुर नेता होमबहादुर पाण्डे लगायतले बोल्दै यातायात क्षेत्रलाई सम्मानित पेशा बनाउने सबै लाग्नुपर्नेमा जोड दिए ।