एनआरएनका पुर्व अध्यन भवन भट्ट्को बीबी एअरवेजले भैरहवा बाट मलेसियामा उडान भर्ने तयारी गरेको छ ।
वैदेशिक रोजगारमा जाने नेपालीको हरुको लागि मलेशिया मुख्य गन्तब्य हो । त्यसैले बीबी एअरवेजले काठमाडौ साथै भैरहवाबाट पनि उडान सुरु गर्ने तयारी गरेको हो ।
एक बर्ष अघि भैरहवा मलेसिया रुटमा हिमालयन एअरलाइन्सले चार्टर्ड उडान गरे पनि केही समय पछि बन्द गरेको थियो । अहिले रास्ट्रीय ध्वजा वाहक नेपाल एअरलाइन्सले साप्ताहिक रुपमा प्रत्येक मंगलवार मलेसिया भैरहवा उडान गर्दै आएको छ । एयरवेजले नो अब्जेक्सन सर्टिफिकेट (एनओसी) प्राप्त गरे लगत्तै थप तयारी अघि बढछ।
अन्तर्राष्ट्रिय उडानका लागि बीबी एयरवेजलाई छिटै नो अब्जेक्सन सर्टिफिकेट (एनओसी) दिने तयारी छ । एनओसी उडान सञ्चालनको अनुमति हो र नागरिक उड्ययन प्राधिकरणले प्रदान गर्दछ । छिटै काम सम्पन्न भए अबको २ हप्तामा एनओसी बीबी एअरवेजले प्राप्त गर्नेछ । एनओसी प्राप्त गरे लगत्तै कम्पनीले जहाज ल्याएर प्रदर्शनी उडान गर्नु पर्छ ।
बीबी एयरवेजले प्राधिकरणमा दुई वटा एयरबस ३२० न्यारोबडी जहाज ल्याएर व्यावसायिक उडान गर्ने योजना पेश गरेको छ । एनओसी प्राप्त भएमा जनवरी भित्रै उडान सुरु गर्ने योजना बीबीको छ ।
बीबीले काठमाडौंका साथै भैरहवाबाट पनि व्यावसायिक उडान गर्ने भए पछि एयरवेजले केही कर्मचारी भर्ना गरिसकेको छ ।
कम्पनीले सुरेशमान सिंह सीईओ, केबी थापा क्यामो डाइरेक्टर र वरिष्ठ क्याप्टेन ओबी गुरुङ अपरेसन डाइरेक्टर नियुक्त गरि सकेको छ । यस्तै देशभित्र चेक पाइलटको अभाव रहेकाले कम्पनीले श्रीलंकाका एक वरिस्ठ क्याप्टेन पनि ल्याउने भएको छ ।
