सो कार्यक्रमका संयोजक गौरव आचार्यले महाआरती यही घटस्थापनाको दिनबाट शुरु गरी लगातार तीन दिनसम्म संचालन हुने बताए ।

साथै दुर्गा मन्दिर समितिले अबदेखि औसीको दिन साँझ महाआरती साँझ गर्ने समेत भएको छ ।

संयोजक आचार्यले शीवनगर सामुदायिक बनको परिसरलाई समेत एउटा पर्यटकीय गन्तव्यका रुपमा परिचित एवं स्थापित गराउने उद्देश्यले पनि महाआरती कार्यक्रम गरिएको बताए । महाआरती संगै सांस्कृतिक साझ पनि गरिने उनको भनाई छ ।

दुर्गा मन्दिर व्यवस्थापन समिति, भगवती टोल विकास संस्था, दुर्गा मन्दिर टोल विकास संस्था र बुद्ध टोल विकास संस्थाको आयोजनामा हुन लागेको महाआरती तथा सांस्कृतिक साँझमा नाटा लुम्बिनी प्रदेशले सहयोग गर्नेछ । कार्यक्रम सम्पन्न गर्न १ लाख ७५ हजार खर्च अनुमान गरिएको छ ।

कार्यक्रममा बुटवल उपमहानगरपालिका वडा नं. ७ का वडा सदस्य सन्दीप खनाल, दुर्गा मन्दिर व्यवस्थापन समितिका कार्यवाहक अध्यक्ष कृष्ण कुमारी थापा, भगवती टोल विकास संस्थाका अध्यक्ष भरत गिरी, दुर्गा मन्दिर टोल विकास संस्थाका अध्यक्ष तेजप्रसाद पराजुली, बुद्धटोल विकास संस्थाका अध्यक्ष राजेन्द्र कुमार थापा लगाएतले बोल्दै महाआरती तथा सांस्कृतिक साँझ कार्यक्रमले यस क्षेत्रको पर्यटन प्रबद्र्धनका लागि नयाँ गन्तव्यको पहिचान गराउने बताए ।