परापुर्व कालदेखि सार्वजनिक जग्गामा अवस्थित, त्यस क्षेत्रका मानिस हरुको आस्थाको केन्द्रका रुपमा पुजिदै आएको मन्दिर निजि कम्पनीले कब्जा गर्नु सामाजिक रुपमा निन्दनीय र कानुनी रुपमा दण्डनीय कार्य भएको अध्यक्ष मरासिनीको भनाई रहेको छ।

‘एक निजी कम्पनीको यस्तो कार्यले स्थानीय भक्तजनको मन भाचेको मात्र छैन नगरपालिकाको बिश्वब्यापी छबि समेत बिगारेको छ। यति मात्र हैन पछिल्लो पटक कम्पनीले आयोजना गरेको पूजा समारोहमा नगर प्रमुख ज्युको उपस्थिति समेत बिबादमा परेको छ र थुप्रै शंका गर्ने ठाउहरु पैदा भएको छ। मरासिनीले भने स्थानिय निकाय भनेको सरकार हो। आफ्ना सम्पदाहरु बचाउनु यसको कर्तब्य हो,’ अध्यक्ष मरासिनीले नगरपालीकासहित अन्य सरकारी निकायलाई गरिएको पत्राचारमा उल्लेख छ।

बाउन्न कोटी देबीको मन्दिर कसरी निजि कम्पनि को कम्पाउण्ड भित्र पर्न गयो यसको सत्य तथ्य छानबिन गरि, दोषी उपर कारबाही गरि मन्दिरलाई नगरपालिकाको नियन्त्रणमा राखी सर्वसाधारण लाइ २४ सै घण्टा खुला हुने वातावरण बनाउन उनले माग गरेका छन्।

अध्यक्ष मरासिनीले आफूहरुको संस्थाले यसबारे अध्यन गर्न पत्रकार र संस्कृतिविद हरुको टोलि समेत पठाउने जानकारी दिए।