सो अवसरमा बोल्दै स्कुलका प्राचार्य हेमलाल शर्मा भुसालले विद्यार्थीहरुमा पर्वको ज्ञान प्रदान गर्न स्वय विद्यार्थीहरुलाई राधा र श्रीकृष्णको भेषमा ¥यालीको आयोजना गरेको बताए । अहिले धेरै नेपाली पर्वबारे विद्यार्थीहरु जानाकार नभएको भन्दै यस्ता कार्यक्रमले पर्वको महत्व, सांस्कृतिक र धार्मिक महत्व बारे विद्यार्थीलाई ज्ञान प्राप्त हुने उनले बताए ।

ज्ञानयोग, कर्मयोग र भक्तियोगका प्रणेता भगवान श्रीकृष्णको जन्म द्वापरयुगको अन्त्यतिर भाद्र कृष्ण अष्टमीको मध्यरातमा भएको सम्झनामा बुधबार दिनमा श्रीकृष्ण जन्माष्टमी पर्व मनाईंदैछ । त्यसैको पुर्व सन्ध्यामा गरिएको ¥यालीमा विद्यार्थीहरुले श्रीकृष्णको लिला प्रस्तुत गरेका थिए ।
त्यस्तै श्रीकृष्ण र राधा बनेर मुरली बजाउंदै नाचगान गरेका थिए ।

दुर्जनको विनाश गरी सज्जनको रक्षाका लागि भगवान विष्णुको आठौं गर्भका रुपमा श्रीकृष्णको जन्म भएको शास्त्रमा वर्णन गरिएको छ । कंसको अत्याचारबाट मानव जातिलाई मुक्ति दिन वासुदेव र देवकीको आठौं गर्भबाट भगवान विष्णुको आठौं अवतारका रुपमा भगवान श्रीकृष्णको जन्म भएको धार्मिक विश्वास छ ।

अन्याय, अत्याचार र दानवी प्रवृत्तिबाट मानव जातिलाई सुरक्षित बनाउने उद्देश्यले भगवान विष्णुले मानिसको अवतारका रुपमा श्रीकृष्ण भई धर्तीमा जन्म लिएको स्मृतिस्वरुप यो पर्व मनाउने गरिन्छ ।

कौरव र पाण्डवका बीचमा कुरुक्षेत्रमा भएको धर्मयुद्धमा सत्यको पक्षमा रहेका पांच पाण्डवमध्येका अर्जुनको सारथीका रुपमा श्रीकृष्णले युद्धको शिक्षा दिएका थिए । युद्धका क्रममा श्रीकृष्णले अर्जुनलाई दिएको उपदेश नै श्रीमद्भगवत गीता हो । उक्त कार्यक्रम स्कुलका सह प्राचार्य आर.सी पौडेलले गरेका थिए ।