बुटवल । मृत्यु मार्गका रुपमा परिचित बुटवल–तानसेन सडक खण्ड अन्तर्गत सिद्धबाबा क्षेत्रमा निर्माणधिन सुरुङ मार्गको रिवलाई पहिरोले क्षति पुराएको छ ।
अविरल बर्षापछि झरेको पहिरोले सिद्धबाबा सुरुङ मार्गको सिद्धबाबा तर्फको रिब एङकरिङ पूर्ण रुपमा भत्काएको हो । हेडबक्स नजिकको रिवमा भने कुनै क्षति पुराएको छैन ।
सुरुङ माग निर्माणको ठेक्का पाएको चाइना स्टेट कन्स्ट्रक्सन इन्जिनियरिङ कर्पोरेसनले हेडबक्सको रिवको ढलान गरेपछि सिद्धबाबा मन्दिर नजिकै प्रवेश द्धारमा रिवको काम थालेको थियो । त्यहाँ ३५ जना कामदारले काम गरिरहेका थिए ।
पहिरोले रिवलाई पूर्णरुपमा क्षति पुराएसंंगै सुरुङ मार्गको काम रोकिएको छ । निर्माण कम्पनीले बर्षायाममा पनि काम जारी रहने भन्दै काम गरिरहेको अवस्थामा पहिरोले रिवलाई क्षति पुराएको हो । रिवमा क्षति पुराएपनि मानविय क्षति भने हुन पाएन् ।
सिद्धबाबा सुरुङ मार्ग परियोजनाकी ईन्जिनियर सविता ज्ञवालीले पहिरोले रिवमा क्षति पुराएको बताईन ।
