बुटवल । नेकपा एमालेका अध्यक्ष केपी शर्मा ओली भोली बुटवल आउने भएका छन् ।
अनेरास्ववियु रुपन्देही जिल्ला कमिटीले आयोजना गरेको एसईईमा उत्कृष्ट अंक ल्याउने विद्यार्थीहरुलाई सम्मान गर्ने कार्यक्रममा सम्बोधन गर्न एमाले अध्यक्ष ओली बुटवल आउने भएका हुन ।
भाेली शनिबार एसईइमा रुपन्देही जिल्लाबाट ३ दशमलव ६ जिपिए भन्दा माथी अंक ल्याउने विद्यार्थीहरुलाई सम्मान गरिने छ ।
बुटवलको लुम्बिनी बाणिज्य क्याम्पसको स्ववियू हलमा हुने कार्यक्रमको सवै तयारी पुरा भएको अनेरास्ववियु रुपन्देहीका जिल्ला संयोजक रमेश ढकालले बताए ।
उनले विद्यार्थीको मनोबल उच्च बनाउनुको साथै नेपालमै अध्ययान गर्नको लागि उत्प्रेरित गाराउनको लागि उक्त कार्यक्रम आयोजना गरिएको बताए ।
