नुहाउन गएकी प‌द्माको छिमेकीबाटै हत्या, सागरको घरमा भेटियो रगत लतपतिएको खुर्पा र किशोरीको मोबाइल लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी धनगढीबाट काठमाडौं उडेको श्री एयरको जहाज गौतमबुद्ध विमानस्थलमा अवतरण बुटवल-चन्द्रौटा सडक निर्माण गर्न २२ कम्पनीको आवेदन रुपन्देहीको शुद्धोधनमा कुटपिट गरी वृद्धको हत्या पश्चिम नेपाल बस व्यवसायी प्रा.लिमा चुनावी रौनक बुटवलका केही मासु पसलमा व्यवसायीकाे मनपरी, २ वटा मासु पसललाई जरिवाना गराइयाे एसइईको तयारी पूराः लुम्बिनीबाट ८३ हजार ४ सय विद्यार्थी सहभागि हुँदै                
समाचार :

जितगढी उत्सव र नेपाली सेनाको पैदल यात्रा धुमधामका साथ मनाइयो (फोटो फिचर)

बुटवल । बुटवल उपमहानगरपालिका र नेपाली सेनालले अंग्रेजलाई नेपाली फौजले पराजित गरेको दिन पारेर आज बुटवलमा विजय उत्सव मनाएको छ । सम्वत् १८७२ बैशाख ७ गते अंग्रेज सेना माथि नेपाली सेनाले विजय प्राप्त गरेको दिन पारेर उपमहानगर र नेपाली सेनाले संयुक्तरुपमा विजय उत्सव दिवस मनाएको हो ।

जितगढी  किल्लालाई केन्द्रबिन्दु बनाएर तत्कालीन पाल्पा राज्यका कर्णेल उजिरसिंह थापा नेतृत्वको सेनाको फौजले झन्डै ३ महिना अंग्रेजसँग लडेको र दुई पटक अंग्रेज सेनाले आक्रमण गर्दा पनि अंग्रेज सेनालाई पाराजित गर्दै गोरखपुर सम्म लखेटेको दिनलाई बुटवल उपमहानगरले विजय उत्सव दिवसकारुपमा मनाउँदै आएको छ ।

उत्सवको अवसरमा गोरखाबाट विजय उत्सव मनाउन आएको नेपाली सेनाको पैदलयात्री टोली तथा बुटवलबाट सहभागी बिभिन्न आदीबासी जनजाती, धर्म र संप्रदायको झाँकीले नगर परिक्रमा गर्दै जितगढी किल्लामा पुगेर सभामा परिणत भएको थियो ।

युद्ध कमाण्डर उजिरसिंह थापकाको सालिकमा माल्यार्पण गरेर सुरु भएको कार्यक्रममा बोल्ने वक्ताहरुले विजय उत्सव र उजिरसिंहका बारेमा चर्चा गरेका थिए ।

कार्यक्रममा बोल्दै लुम्बिनी प्रदेश सांसद तथा पूर्वमन्त्री भोजप्रसाद श्रेष्ठले जितगढी किल्लालाई अन्तराष्ट्रियकरण गर्नु पर्ने बताए । उनले जितगढीले बुटवलको पहिचानलाई उचच बनाउको भन्दै किल्लाको संरक्षणका लागि सबैको ध्यान पुग्न आवश्यक रहेको बताए ।

नेपाली सेनाका मध्यपश्चिम प्रितनापति यामप्रसाद ढकालले जितगढीले नागरिक र सेनाबीचको सम्बन्धलाई थप बलियो बनाउने र युद्ध पर्यटनको प्रचारप्रसार हुने बताए ।

बुटवल उपमहानगरपालिका प्रमुख खेलराज पाण्डेले उपमहानगरले जितगढीलाई विशेष महत्वका साथ हेरिरहेको बताउँदै किल्लाको विकास गरेर अन्तरराष्ट्रिय पहिचान बनाउने प्रतिबद्धता ब्यक्त गरे ।

कार्यक्रममा बुटवलका पूर्व मेयर शिवराज सुबेदी, इतिहासका ज्ञाता निर्मल श्रेष्ठ, पत्रकार महासंघका रुपन्देही अध्यक्ष रामराज पोख्रेल लगायतले बोलेका थिए । विजय उत्सवका अवसरमा नेपाली सेनाले तोप पड्काएर सलामी अर्पण गर्नुका साथै कवाज र झाँकी प्रदर्शन गरेको थियो ।

उपमहानगरकै पहलमा अहिले किल्ला नजिकै जीतगढी संग्राहलय निर्माणाधिन छ । युद्धका बेला बनाइएका संरचना रहेको जितगढीलाई अहिले युद्ध संग्रहालयमा विकास गरिंदै छ । जितगढी किल्लाको संरक्षण र वार्षिक रुपमा मनाइने उत्सवले पर्यटन प्रवद्र्धन गर्न, देशको इतिहास बचाउन र नयाँ पुस्तालाई पुर्खाको योगदान स्मरण गराउन सघाउने छ ।

DCIM177MEDIADJI_0098.JPG

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार