उनले यो उपहार योजना अन्तरगत एक जनालाई किया ब्राण्ड कार, एक जनालाई रोयल एनफिल्ड ३५० सिसिको मोटरसाईकल, एक जनालाई भेस्पा स्कुटर प्रदान गरिने बताए । त्यस्तैगरी १५ जनालाई एक टन क्षमताको एयर–कन्डिसनर, १५ जनालाई सिंगल डोर फ्रिज, १५ जनालाई टप लोड वासिङ मेसिन, २५ जनालाई ५५ इन्चको टेलिभिजन, १२५ जनालाई राईस कुकर र ८०१ जनालाई क्लोथ आइरन गरी १ हजार जना ग्राहकलाई उपहार प्रदान गरिने छ ।

कम्पनीका प्रबन्धक आवाश बन्जाडेले ‘लक्की ड्र’ प्रतियोगितामा सहभागी हुनको लागि दैनिक घरायसी सामान खरिद गर्दा एन.जी. मार्केटको ग्राहक सदस्यता लिनु पर्ने जानकारी दिए । त्यस्तै १० हजार रुपैयाँ बराबरको खाद्यान्न तथा ५ हजार रुपैयाँ बराबरको लुगा, कपडा तथा जुत्ताको खरिदमा लक्की ड्र कोड भएको कुपन उपलब्ध गराइने छ ।

त्यस्तै एन.जी. रेस्टुरेन्टमा एकपटकमा ५ हजारको खानपिन विलमा एउटा लक्की ड्र कुपन प्रदान गरिने छ । सामानको खरिदमा एउटै नम्बरका दुई वटा लक्की ड्र कोड युक्त कुपन ग्राहकलाई प्रदान गरिने छ । त्यसमध्ये एउटा लक्की ड्र बक्समा खसाल्नु पर्ने छ भने अर्को सुरक्षित साथ राख्नुपर्ने छ । उपहार हस्तान्तरण गर्दा लाग्ने कर भने विजेताले नै व्यहोर्नु पर्ने स्टोर इन्चार्ज दीपक भट्टराईले बताए ।

भारतको सुनौली जाने नेपाली उपभोक्तालाई लक्षित गरेर २ अर्बको लगानीमा अघिल्लो वर्ष वैशाख १ गतेदेखि एनजी मार्केट सञ्चालनमा आएको थियो । जसमा अहिलेसम्म ५० हजार उपभोक्ता आएका छन् भने २० हजार उपभोक्ता नियमित रूपमा आउने गरेको छन् ।