अर्घाखाँची सिमेन्टले एनएमबि क्यापिटल लिमिटेडलाई तोक्यो शेयरको निष्काशन तथा बिक्री प्रबन्धक गुल्मीमा आगो निभाउने क्रममा १ जनाको मृत्यु, १ घाइते लुम्बिनी प्रादेशिक अस्पताल: ६ अर्ब लागतमा अन्डरग्राउण्डसहित बन्ने छ १२ तलाको अत्याधुनिक भवन दाङमा माटोको ढिस्कोले पुरिएर दुई बालकको मृत्यु आजको मौसमः गण्डकी, लुम्बिनी, कर्णाली र सुदूरपश्चिममा बर्षा र हावाहुरी प्रहरीले सुप्रिम सहकारीको अनुसन्धान टुंग्यायो स्वर्ण महोत्सवमा प्रशिक्षण, स्वास्थ्य शिविर तथा बृहत् रक्तदान कार्यक्रम रुपन्देहीको तिलोत्तमामा भयानक बस दुर्घटना (तस्विरहरु) आजको मौसमः तीन प्रदेशमा मेघगर्जन सहित बर्षा हुने सिँचाइ सुविधाले हराभरा बन्दै गेखुङ फाँटका खेत                
समाचार :

१९ फोटोमा हेर्नुहोस् – तिलोत्तमा नगरमा ढकमक्क फूलेको बेगमबेली फूल

  • बुटवल । रुपन्देहीको तिलोत्तमा नगरपालिका सरसफाई र हरियाली प्रबद्र्धनमा देशकै उत्कृष्ट नगरपालिका हो । २०७१ सालमा साविकका सात वटा गाविस मिलेर बनेको तिलोत्तमा नयाँ नगरपालिका हो ।

    सरसफाईबाट यो नगरपालिकाले राष्ट्रिय स्तरमा आफ्नो विशिष्ट पहिचान बनाएको छ । पालिका पहिलो खुला शून्य पोलोथिन नगरपालिका समेत बनिसकेको छ । ग्रीन तिलोत्तमा ः क्लिन तिलोत्तमा महाअभियानको क्रममा हालसम्म दुई लाख भन्दा बढी वहुगुणी फलफूल तथा वनस्पतिका विरुवाहरु नगरपालिकामार्फत् रोपिएका छन् । नगरपालिकाले सिटी फ्लावरको रुपमा बेगनबेली निर्धारण गरेको छ भने जन्मदिनमा कम्तिमा एउटा विरुवा रोप्न नगरबासीलाई आह्वान गरेको छ ।

    अहिले बुटवल–बेलहिया सडक खण्ड अन्तर्गत तिलोत्तमा नगर क्षेत्रको १३ किलोमिटर सडक हरियाली र पूmलले ढकमक्क भएको छ ।
    वसन्त ऋतुको आगमनसँगै सडकका डिभाइडरमा फुलेको बेगमबेलीले सडकलाई आकर्षक बनाएको छ । चार वर्षअघि तिलोत्तमा नगरपालिकाले सडकको सौन्दर्यकरणका लागि बेगमबेली नामक फूल लगाएको थियो ।

    तिलोत्तमा नगरभित्र पर्ने १३ किलोमिटर सडकमा नगरपालिकाले ३ हजार बढी बेगमबेली प्रजातिको फूल लगाएको तिलोत्तमा नगरपालिकाका वातावरण शाखा हरियाली प्रवद्र्धन अधिकृत गोरखनाथ खनालले बताए । उनका अनुसार सुक्खा ठाउँमा, कम पानी र जरासमेत जमिनमुनि धेरै नजाने भएकाले तिलोत्तमामा बेगमबेली फूल लगाइएको हो ।

    सडकमा दायाँबायाँ किनार र डिभाइडरमा लगाइएको फूलले यतिबेला धेरैको ध्यान खिचेको छ । सडकमा यात्रु गर्नेहरु गाडिबाटै झरेर तस्वीर लिने समेत गर्दछन् ।

    सडकको सौन्दर्यतालाई सुन्दर बनाएको बेगमबेली फूल संरक्षण नगरपालिकाले गर्दै आएको छ । नगरपालिकाले त्यी पूmलमा पानी राख्ने, गोडमेल गर्नुका साथै फूलहरुलाई छपान गर्न ४२ जना कर्मचारीलाई राखेको नगरपालिकाका कार्यपालिका सदस्य सुरेन्द्र श्रीले बताए ।

    सडकमा बेगमबेलीका अलवा करविर नामको फूल समेत लगाइएको छ । त्यस बाहेक दायाँ र बाँयामा आँप, सिसा फूल, बर, पिपल, स्वामी लगाएतका विरुवाहरु लगाइएको छ । यसले सडक हरियाली बनेको छ ।

    हरियाली प्रबद्र्धन र सरसफाईलाई प्राथमिकतामा राख्ने सुरुवात तत्कालिन नगरप्रमुख बासुदेव घिमिरे र उनको सिंगो टिमले गरेको थियो । अहिलेका नगरप्रमुख रामकृष्ण खांण सहितको नेतृत्वले त्यसलाई आत्मसाथ गरेको छ ।

    निरन्तर सरसफाई अभियान चलाएको तिलोत्तमाले आफूलाई मुलुककैं पहिलो पूर्णसरसफाई उन्मुख नगरपालिका बनाउन सफल भएको छ । नगरपालिकालाई वातावरणमैत्री स्थानीय शासनयुक्त नगरपालिका बनाउने गरी काम अघि बढाइएको छ ।

    नगरपालिकामा सञ्चालित समुदायमा आधारित हरियाली प्रवद्र्धन एवं नियमित सरसफाई अभियानको १०० औं श्रृंखलाको अवसरमा आज नगरपालिकाले मुल समारोह कार्यक्रम गरेको छ । नगरपालिकामा आयोजित मुल कार्यक्रमका अवसरमा तिलोत्तमा नगरपालिकाको मुख्य राजमार्ग क्षेत्रलाई हर्न निषेधित क्षेत्र घोषणा गरिएको छ भने आजकै दिनबाट कुहिने र नकुहिने फोहोरलाई घरबाटै बर्गीकरण गरेर उठाउने निर्णय पनि नगरपालिकाले गरेको छ ।

    तिनाउ न्युज

    तिनाउ न्युज डटकम बुटवल बाट प्रकाशित हुने अनलाइन पत्रिका हो !

    लेखक बाट थप

    प्रतिक्रिया दिनुहोस !

    सम्बन्धित समाचार