टियुको तालिका अनुसार आगमी चैत्र ५ गते हुने स्ववियु निर्वाचनका लागि शुक्रबार दिउंसो ३ वजेसम्म संगठनको नाम दर्ताका लागि समय थियो ।

संगठनको नाम दर्ता गर्ने अन्तिम समय ३ वजे भएपनि २ वजे अगाडी नै क्याम्पसमा संगठनको नाम दर्ता गर्न जांदा निर्वाचन अधिकृतको कार्यालयले नाम दर्ता गर्न नमानेपछि तालावन्दी गरिएको अखिल छैठौंका इकाई अध्यक्ष समिर पोखरेलले बताए ।
सिद्वार्थ क्याम्पसले आफ्नो अनुकुल अनुसार संगठनको नाम दर्ता गर्ने तालिका बनाएको र सोही तालिकाको समय भित्र नआएकाले दर्ता गर्न नदिएको क्याम्पस प्रमुख विष्णु रानाले बताए । टियुको तालिका अनुसार सिद्वार्थ क्याम्पसले संगठनको नाम दर्ता गर्ने तालिकाको समय फरक बनाएको क्याम्पस प्रमुख रानाले बताए ।

निर्वाचन अधिकृत गोपालप्रसाद चापागाईले नियतबस नभई ढिला आएकाले छुटेको र भोली २० गते बिहान एक पटक बसेर मिलाएर लैजानका लागि पहल गरिने निर्वाचन अधिकृत चापागाईले बताए ।

लामो समयपछि हुन लागेको स्ववियु निर्वाचनमा संगठनको नाम दर्ता गराउन नदिए आवश्यक अनुसार आन्दोलनमा उत्रने र आन्दोलनको क्रममा हुने क्षतीको जिम्मा क्याम्पसले लिनुपर्ने अखिल छैठौंका केन्द्रिय सचिव सरोजमान सिंहले चेतावनी दिए ।
संगठनको नाम दर्ता नहुंदासम्म तालावन्दी नखोल्ने अखिल छैठौंका विद्यार्थी नेताहरुले बताएका छन् ।