चलचित्र पत्रकार संघ नेपाल, रुपन्देहीले २ वटा पुरस्कार वितरण गर्दै रुपन्देहीमा ६९ हजारभन्दा धेरै बालबालिकालाई पोलियो विरुद्धको खोप लगाइँदै शान्तिपुरमा सञ्चालन गरिएको स्वास्थ्य शिविरमा १७ सयको निःशुल्क उपचार गुल्मीमा बाढीले पुल निर्माणका सामग्रीमा क्षति तराईमा फेरि चल्न थाल्यो तातो हावा गुल्मीमा बस दुर्घटना हुँदा सहचालकको मृत्यु, चालकको अवस्था गम्भीर लुम्बिनीबाट सगरमाथा लगियाे अखण्ड शान्ति दीप चार प्रदेशका पहाडी भेगमा हावाहुरीसहित वर्षाको सम्भावना पोखरादेखि तम्घास आउँदै गरेको बस फलाटेमा दुर्घटनाः १२ जना घाइते परिवारले अन्तेष्टी गरिसकेको शवलाई प्रहरीले ५ दिनपछि कव्रस्तानबाट उत्खनन्                
समाचार :

लुम्बिनी प्रदेशका सांसद भन्छन्- विकास बजेटको खर्च भएन

लुम्बिनी प्रदेश सरकारको शुक्रबारको बैठक नागरिक उन्मुक्ति पार्टीका सांसदहरुले केहीबेर अवरुद्ध गरेका छन् । सभामुख तुलाराम घर्तीले बैठक सुरु गरेलगत्तै नागरिक उन्मुक्ति पार्टीका सांसदहरु उठेर विरोध जनाएपछि सभामुखले आफ्नो कुरा राख्न आग्रह गरेका थिए ।

प्रदेशसभाको विशेष समयमा नागरिक उन्मुक्ति पार्टी संसदीय दलका नेता धर्म चौधरीले यसअघिको सरकारले झुटा मुद्दा फिर्ता लिने भनेर सहमति गरेको विषयमा अहिले छानिछानी थारु सांसदहरुलाई पक्राउ गरेको र त्यसैअनुसार प्रतिनिधिसभा सांसद अरुण चौधरीलाई पक्राउ गरेको भन्दै विरोध जनाएका थिए ।

१५ मिनेटका लागि स्थगित बैठक पुनः सुरु भएको थियो । शुक्रबारको बैठकमा प्रदेशसभा सदस्यहरुले चालु आर्थिक वर्षको आधा समय सकिँदासम्म विकास बजेटको खर्च न्यून रहेको, प्रदेशमा १ लाख ५० हजार टनमध्ये ६० देखि ७० हजार कृषि सामग्रीले खरिद गर्ने र बाँकी प्रदेश सरकारले जीटूजी प्रणालीबाट समयमै खरिद गरी किसानसमक्ष पुर्‍याउन, किसानले मल आयात बेला बैंकहरुको चर्को ब्याजका कारण नागरिक आत्महत्याको बाटो राज्न थालेको, सरकारले पूर्णता पाउन नसकेको र सरकारले नीति निर्माण र विकासको गति लिन नसकेको भन्दै ध्यानाकर्षण गराएका थिए ।

शुक्रबारको बैठकमा सांसदहरुले बोलिसकेपछि मुख्यमन्त्री लीला गिरीले महालेखा परीक्षकको वार्षिक प्रतिवेदन पेस गर्ने र कार्य व्यवस्था परामर्श समितिमा रहने सदस्यहरुको नाम मनोनयन गर्ने कार्यसूची थियो ।

प्रदेशसभा बैठकमा पेस हुने बैठकको कार्यसूची निर्धारण, प्राथमीकता निर्धारण र सरकारलाई सुव्यवस्थीत ढंगबाट सञ्चालन गर्न कार्य व्यवस्था परामर्श समिति बनाइएको छ । समितिमा तुलसीप्रसाद चौधरी, रत्नबहादुर खत्री, बसीउद्दिन खाँ, जन्मजय तिमिल्सिना, इन्द्रजित थारु, मीनाकुमारी श्रेष्ठ, राजकुमार चौधरी, अम्बिका काफ्ले, सुमन शर्मा रायमाझी, सन्तोषकुमार पाण्डेलाई सभामुख तुलाराम घर्तीले मनोनय गरेका थिए ।

समितिमा सभामुख अध्यक्ष उपसभामुख पदेन उपाध्यक्ष र प्रदेश मामिला हेर्ने मन्त्री पदेन सदस्य रहने व्यवस्था छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार