ट्याक्टर दुर्घटनामा सवारी धनीले रामपुर नगरपालिका–१०, गेझाका ३४ वर्षीय भन्सार कुमाललाई चालकका रुपमा तयार पारेर प्रहरीकोमा प्रस्तुत गरेको प्रहरी अनुसन्धानबाट खुलेपछि उनीहरुलाई पक्राउ गरिएको पाल्पा प्रहरीले बताएको छ । घटनामा सवारी धनी अर्यालले नक्कली चालक कुमाललाई आर्थिक प्रलोभन देखाएर चालक बनाएको जिल्ला प्रहरी कार्यालयका सूचना अधिकारी वीरेन्द्र थापाले जनाए ।

‘कुमाललाई नक्कली चालक बनाएर अर्यालले नगद १ लाख दिने सहमति गरेका थिए । उनलाई पेस्की स्वरुप २५ हजार दिइसकेको अनुसन्धानका क्रममा खुलेको छ’, थापाले भने । पक्राउ परेका तीनै जनालाई जिल्ला अदालत पाल्पाबाट म्याद थप गरेर अनुसन्धान कार्य जारी रहेको प्रहरीले बताएको छ । चालकको चालक अनुमति पत्र नभएपछि नक्कली खडा गर्ने प्रयास गरिएको बुझिएको छ ।

चालक अनुमति पत्र नै नभएका व्यक्तिले चलाएको सवारीको दुर्घटनाबाट कसैको ज्यान गएमा यातायात व्यवस्था ऐन २०४९ अनुसार कम्तीमा ३ वर्षदेखि जन्म कैदसम्मको सजाय हुने कानुनी व्यवस्था छ । सजायँबाट जोगिन उनीहरुले नक्कली चालक खडा गरेका थिए ।