बुटवल । ८ औं मणिमुकुन्द रनिङकप जिल्ला स्तरीय पुरुष भलिबल प्रतियोगिता माघ २४ गतेबाट हुने भएको छ ।
मणिमुकुन्द भलिबल क्लब तिलोत्तमाको आयोजनामा ८ औं मणिमुकुन्द रनिङकप जिल्ला स्तरीय पुरुष भलिबल प्रतियोगिता सुरु हुने आयोजकले पत्रकार सम्मेलन गरेर जानाकारी दिएको छ ।

पत्रकार सम्मेलनमा बोल्दै क्लवका अध्यक्ष लोकेन्द्र भण्डारीले स्वास्थ्यको लागि खेलकुद रास्ट्रको लागि खेलकुद भन्ने मुल नारा सहित तिलोत्तमा नगरपालिका वडा नं. २ स्थित क्लबको आफ्नै खेलमैदानमा माघ २४ गतेदेखी २८ गतेसम्म प्रतियोगिता हुने बताए । प्रतियोगितामा ११ जिल्लाको सहभागिता हुने उनको भनाई छ ।
मणिमुकुन्द भलिबल क्लबका संरक्षक तथा ८ औं मणिमुकुन्द भलिवल प्रतियोगिताका संयोजक सुरेन्द्र गुरुङले प्रतियोगिताको तयारी तिब्र पारिएको र अहिले खेल हुने स्थानमा ८ सय क्षमताको प्याराफिट निर्माण गरिसकिएको बताए ।
कुल १९ लाख खर्च हुने अनुमान गरिएको प्रतियोगितामा यस पटक लुम्बिनी प्रदेशका ४, गण्डकी प्रदेशका ५, सुदुरपश्चिम प्रदेश र बाग्मती प्रदेशका एक÷एक गरी कुल ११ जिल्लाले सहभागिता जनाउने उनले बताए ।
गण्डकी बाट बाग्लुङ, स्याङजा, तनहु, नवलपुर र पर्वत जिल्ला भलिवल संघले प्रतियोगितामा सहभागिता जनाउने आयोजकले बताएको छ । त्यसैगरी लुम्बिनी प्रदेशका रुपन्देही, पाल्पा, गुल्मी र नवलपरासी जिल्ला, सुदुरपश्चिम प्रदेशबाट बझाङ र बागमती प्रदेशबाट चितवन जिल्लाले प्रतियोगितामा सहभागिता जनाउने खेल संयोजक गुरुङले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

सम्बन्धित समाचार

प्रदेशस्तरीय आशिष कप ब्याडमिन्टन पुसको दोस्रो हप्ता हुने

कालिका मानवज्ञान मावि कक्षा ११ र १२ मा २१  शिर्षकमा आन्तरिक खेल सकिए

पिन लुम्बिनी व्याडमिन्टन प्रतियोगिताको उपाधि भैरहवाको युसिएमएसलाई

बुटवलमा पुस १४देखि नवौँ जिल्लास्तरीय स्नुकर

दोस्रो क्यानन सेभेन ए साइड फुटबलको च्याम्पियन बन्यो होराईजन जिबिएस, स्कलर्सहोम उपविजेता

मंसिर १४ गतेदेखि दाेस्राे क्यानन ए साइड फुटबल प्रतियाेगिता हुने