देवदह नगरपालिकामा तालाबन्दी – ‘मेयर र अधिकृतको काम गर्ने शैलीबाट आत्तिएर आक्रमण’ लुम्बिनी अस्पताललाई पश्चिम क्षेत्रकै विशिष्टकृत अस्पतालको रुपमा बिकास गछौं- मन्त्री खनाल बुटवलको पशु बधशाला सञ्चालनको तयारी आजको मौसम: यी प्रदेशमा वर्षा र हिमपातको सम्भावना को हुन् ? प्रहरीको हतियार खोस्न खोज्ने देवदहका जनप्रतिनिधी ! (फोटो फिचर) मगर दिवस : भाेलि बुटवल उपमहानगरमा स्थानीय बिदा मगर दिवस : फागुन १५ गते तिलोत्तमामा स्थानीय बिदा नवनियुक्त याेजना प्रमुखलाई लुम्बिनीमा स्वागत प्रहरीले बोकेको टियर ग्याँसको हतियार कांग्रेस र राप्रपाका जनप्रतिनिधिले खोस्ने प्रयास गरेपछि देबदह नगरपालिकामा तनाव लुम्बिनी प्रादेशिक अस्पतालमा थप नयाँ प्रविधि : डुओडेनोस्कोपी सेवा शुरु                
समाचार :

२८५९ औँ सोनाम ल्होछारमा बुटवलमा निकालियो झाँकीसहितको र्‍याली (फोटो फिचर)

बुटवल: २८५९औँ सोनाम ल्होछारको अवसरमा नेपाल तामाङ घेदुङ जिल्ला समन्वय समिति, रुपन्देहीले तामाङ वेषभूषा र पहिचानसहितको झाँकी निकालेको छ। यो वर्ष बाघ वर्गलाई बिदाई गर्दै खरायो वर्गलाई स्वागत गरेको रूपमा नयाँ वर्ष सप्ताहव्यापी कार्यक्रमअन्तर्गत मुख्य दिनमा आइतबार सोनाम ल्होछार मनाइएको हो।

पुष्पलाल पार्कमा दीप प्रज्वलन गरी शान्तिपद यात्रा सुरु भएका थियो। र्‍याली दीपनगरस्थित तामाङ समुदायको पूजास्थानमा पुगेर शुभकामना आदानप्रदान कार्यक्रम गरी मनाइएको जिल्ला अध्यक्ष राजेश घिसिङले बताए।

विसं २०५८ सालमा स्थापना भई तामाङ जातिलाई एकताबद्ध गरी रचनात्मक कार्यक्रम गर्दै आएको उनले दावी गरे। ‘युवापुस्तालाई तामाङ भाषा लिपि सिकाउने, धर्मसंस्कार, वेषभूषा संरक्षणका लागि विविध कार्यक्रमहरू गर्दै आएको छौ’, उनले भने।

कार्यक्रममा घेदुङका केन्द्रीय सदस्य वीरबहादुर लामाले सबै जातिको आ-आफनै इतिहास भएको भन्दै त्यसमा पनि तामाङहरू उत्कृष्ट र वैज्ञानिक संस्कृति, रीतिरिवाज अपनाउने जातिमा पर्ने दावी गरे।

नेपालमा २०१३ सालमा संस्थागत रूपमा देशभर संगठित भएर काम भएको उनले बताए।

कार्यक्रममा नेपाल तामाङ घेदुङका प्रदेश अध्यक्ष वीरमान लामाले रुपन्देहीमा सानो सङ्ख्यामा रहेका तामाङहरूबाट जातीय पहिचानसँगै सामाजिक कामहरू गर्दै आएको बताए।

मन्जुश्रीले उपत्यका बस्तीलाई बस्न योग्य बनाउँदादेखि नै तामाङ काठमाडौं वरपर बसोबास गर्दै आएको हुँदा पनि उनीहरूको पहिचान बेग्लै छ। नेपालका नौ वटा जिल्लामा तामाङहरू धेरै सङ्ख्यामा बसोबास गर्दै आएको उनले बताए।

तामाङहरूको घरमा झण्डा राखेर पहिचान दिने, भाषा, संस्कृति संरक्षण गर्ने जस्ता कामहरू हुँदै आएको उनले बताए। नेपालमा तामाङहरू १६० भन्दा बढी थरहरू भएको र तिनले तीन प्रकारको भाषा बोल्ने उनले बताए।

देशभर र लुम्बिनी प्रदेशमा समेत तामाङहरू छरिएर रहेका छन्। रुपन्देहीमा दुई हजार तीन सय जनसङ्ख्या रहेको अनुमान गरिन्छ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार