लुम्बिनी प्रादेशिक अस्पतालको भवन निर्माणका लागि १ अबर ८० करोड विनियोजन लुम्बिनीले ल्यायो ३८ अर्ब ९७ करोडको बजेट लुम्बिनी प्रदेश सरकारले आज बजेट ल्याउँदै प्रीमो एजुकेसन एण्ड भिसा सर्भिसेजको ब्राण्ड एम्बेसडरमा देब खनाल नियुक्त १५ दिने ब्रेल लिपी सिप विकास तालिम लुम्बिनी बौद्ध विश्वविद्यालयको रजिष्ट्रारमा आचार्य नियुक्त एमाले गुल्मीको अध्यक्षमा बालसिंह काउछा निर्वाचित लुम्बिनी प्रादेशिक अस्पतालमा असार १ गतेदेखि अनलाइन टिकेट सेवा बुटवलको थाइरो ल्याबमा कामना सेवा विकास बैंकका ग्राहकलाई २० प्रतिशत छुट एमाले गुल्मीमा नेतृत्वका लागि बिहानैबाट मतदानको तयारी                
समाचार :

९ बुँदे माग सहित कलिवस्तुका उखु किसान आन्दोलित

कपिलवस्तुका उखु किसानहरू आन्दोलित भएका छन् ।

उखु किसानले पाउनुपर्ने रकम नपाएको भन्दै बिहीबार ईलाका प्रशासन कार्यालय चन्द्रौटा मार्फत सरकारलाई ज्ञापन पत्र बुझाएका छन् ।
आव २०७१।७२ मा प्रति क्विन्टल नेपाल सरकारले रु २५ रुपैयाँ दिने निर्णय गरे पनि अहिले सम्म नदिएको भन्दै उक्त रकमको माग गरिएको छ ।

त्यस्तै महालक्ष्मी सुर्गस मिलले किसानको रकम वाट खरिद गरेको ड्रिल मेसिन आफ्नो नाममा गरेकोले उक्त मेसिन किसान संघको नाममा गरिदिने,२०७३।७४ मा सरकारले तोकेको मूल्य भन्दा महालक्ष्मी सुर्गस मिलले कम मूल्यमा उखु खरिद गरेकोले डिफर रकम उपलब्ध गराउनुपर्ने माग राखेका छन् ।

सरकारले उखुको मूल्य वर्षे नि तोक्ने तर स्थानीय व्यापारीले किसानाई रकम नदिने गरेकाले यसमा सरकारले ध्यान दिनुपर्ने कपिलवस्तु किसान सङ्घका अध्यक्ष अनुप कुमार चौधरीले बताए ।

किसानहरूको मागमा सिचाई को व्यवस्था, किसानले ट्याक्टर खरिदमा भन्सारमा सहुलियत,चिनी मिलको स्थापना लगायतका ९ बुँदे माग गरिएको छ ।
पटक पटकको आन्दोलन पछि २०७७ साल पौष १३ गते नेपाल सरकार सँग अनुदान रकम दिने सम्झौता भए पनि कार्यान्वयन नहुँदा पुनः आन्दोलनको तयारी रहेको अध्यक्ष चौधरीले बताए ।

ज्ञापन पत्र दिँदै अध्यक्ष चौधरीले माघ २० गते सम्म पनि कुनै सुनुवाइ नभएमा माइतीघर मण्डलामा धर्ना प्रदर्शन गर्ने जानकारी दिए ।
किसानहरूले जिविको उपार्जनको रूपमा उखु खेती गरे पनि सरकारले संरक्षण गर्नुपर्ने समयमा उद्योगहरूलाई संरक्षण गरेको आरोप लगाए ।
पटक पटक आन्दोलन गर्दा समेत सुनुवाइ नभएकोले किसानहरू पीडित बन्ने अवस्थामा रहेको चौधरीको भनाई छ ।
विगतको तुलनामा उखु उत्पादन गर्ने किसानहरूको सख्या पनि घटेकोले ध्यान दिनुपर्ने बताए । शिवराज नगरपालिका ७ जवाभारी स्थित महालक्ष्मी सुर्गस मिलमा उखु बिक्री गरेवापतको रु २ करोड ५० लाख रकम किसानले रकम पाउनुपर्ने छ । मिल भने यहाँ वाट सरेर सर्लाही गइसकेको छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार