बुटवल : लुम्बिनी प्रदेश सरकारले सोमबार सार्वजनिक बिदा दिएको छ।
लुम्बिनी प्रदेश सरकारको २०७८ चैत २१ गते बसेको मन्त्रिपरिषद्को निर्णयअनुसार सोमबार बिदा दिन लागिएको आन्तरिक मामिला, कानून तथा सञ्चार मन्त्रालयका कानून अधिकृत सीता घिमिरेले जानकारी दिइन्।
केन्द्र सरकारले माघे संक्रान्तीको अवसरमा माघ १ गते सार्वजनिक बिदा यसअघि नै दिइसकेको छ। यसरी हेर्दा लुम्बिनी प्रदेशमा आइतबार र सोमबार दुई दिन सार्वजनिक बिदा हुनेछ।
थारु समुदायले माघे संक्रान्तीलाई नयाँ वर्षको रुपमा मनाउने गर्छन्। प्रदेशको राजधानी दाङ लगायतका जिल्लामा थारु समुदायको बाहुल्यता छ।
