बुटवल । नेपाल अटो टेम्पु तथा ई–रिक्सा चालक संघ बुटवल उपमहानगर समितिको तेश्रो अधिवेशनले पुनः उदय परियारलाई अध्यक्षमा चयन गरेको छ । अधिवेशनले परियारको अध्यक्षतामा १३ सदस्यीय कार्यसमिति समेत चयन गरेको हो । यस्तै उपाध्यक्षमा वेदलाल खनाल , सचिबमा प्रकाश खनाल, सहसचिबमा पुरुषोतम खनाल, कोषाध्यक्षमा कमल विसी, सहकोषाध्यक्षमा भेगराज पौडेल चयन भएका छन । यस्तै महिला सदस्यमा बिमला मुखिया , सदस्यहरुमा सिताराम महतो, चिन्तामणी उपाध्याय, केसर बहादुर खड्का, यम बहादुर एसके थापा र प्रेम बहादुर ज्ञवाली चयन भएका छन नेपाल अटो टेम्पु तथा ई–रिक्सा चालक संघ बुटवल उपमहानगर समितिका अध्यक्ष उदय परियारले संघमा आबद्ध भएका टेम्पु तथा ई–रिक्सा चालकको पक्षमा काम गर्दै आएको जानकारी दिनुभयो । उहाँले दुर्घटना हुँदा बिमासँगै चालकलाई समस्या पर्दा सहजिकरण गर्दै आएको बताउनुभयो । संघले मजदुरहरुको हक हितमा काम गरेको बताउँदै परियाले संघलाई लुम्बिनी प्रदेश स्तरमा विस्तार गरिने उहाँले बताउनुभयो । लुम्बिनी प्रदेशका १२ जिल्लामा छरिएर रहेका टेम्पु तथा ई–रिक्सा चालकलाई संघमा आबद्ध गर्दै मजदुरवर्गको हक अधिकारमा आवाज उठाउने परियारले बताउनुभयो । कार्यक्रममा नेपाल ट्रड युनियन काँग्रेसका जिल्ला सदस्य विष्णु प्रसाद पौडेलले संघले मजदुरको हकहितको पक्षमा आवाज उठाउनु पर्नेमा जोड दिनुभयो । संघका जिल्ला अध्यक्ष लालमणी भण्डारीले स्वरोजगारमुलक पेशमा लागेका टेप्पु तथा ईरिक्सा चालकलाई संघले एकीकृत गर्ने काम गरेको बताउनुभयो । तिलोत्तमा नगर समितिका अध्यक्ष शेषकान्त भुसालले स्वरोजगार बन्ने युवाको रोजाईमा विद्युतीय रिक्सा बन्दै गएको बताउनुभयो । २०७२ सालमा स्थापना भएको संघमा २०० जना सदस्यहरु रहेका छन ।