अस्पतालको तथ्यांकमा उनको जन्ममिति २०६१ जेठ २ उल्लेख रहेको देखिएको वकिलहरूको दाबी गरेका थिए त्यो अहिले पुष्टि भएको छ ।

केही दिन अगाडि नुवाकोटबाट किशोरी रहेको भनिएको गाउँपालिकाले पठाएको रेकर्डअनुसार अस्पतालले पठाएको जन्ममिति मिलेको ती वकिलले बताए ।

पीडित किशोरीको परिवार नुवाकोट बसाइँ सर्दा उल्लेख भएको बसाइँसराइ प्रमाणपत्रमा पनि सोही जन्ममिति उल्लेख गरिएको छ । जन्मदर्तामा जन्ममिति २०६१ असार उल्लेख गरिएको छ । त्यसै आधारमा नागरिकता बनाएको पाइएको छ ।

सन्दीपलाई हिरासतमा राख्न म्याद थप भएपछि काठमाडौं जिल्ला अदालतबाट बाहिरिने क्रममा अधिवक्ता सुधा रिमालले आफूहरूसँग ती किशोरी नाबालिग नभएको प्रमाण सुरक्षित रहेको दाबी गरेकी थिइन् ।

‘पीडित नाबालिग नभएको हामीले तथ्य फेला पारेका छौं, त्यसको प्रमाण हामीसँग छ, त्यसलाई अदालतमा पेश गर्छौं,’ अधिवक्ता रिमालले भनेकी थिइन् ।