७ वर्षअघि ‘पाण्डापाण्डी’ बच्चै थिए । बाटोमा भौँतारिइरहेका बेला रोल्पा लिवाङका एक किसानले फेला पारे । ८ महिने पाण्डापाण्डीलाई ती किसानले घर लिएर गए । र, पाल्न थाले ।

केही दिनमा जिल्ला वनका अधिकारीले थाहा पाए । अनि किसानको घरबाट पाण्डापाण्डीको उद्धार गरे । र, ललितपुरको जावलाखेलस्थित सदर चिडियाखानामा पठाइदिए ।
त्यसयता ‘पाण्डापाण्डी’को संसार नै चिडियाखाना हो । उनीहरू आफूलाई हेर्न आएका मान्छेसँग लुकामारी खेल्छन् । अब यिनीहरू ८ वर्षका भए । पाण्डापाण्डी अर्थात् रेड पाण्डाको जोडी । रेड पाण्डाका भालेपोथीलाई पाण्डापाण्डी भनेर चिनिन्छ । चिडियाखानाका सहायक क्युरेटर गणेश कोइरालाका अनुसार पाण्डापाण्डीलाई ५ माघ २०७२ मा लिवाङबाट ल्याइएको थियो ।
रेड पाण्डा नेपालसहित भारत, भुटान, चीन र म्यानमारमा मात्र पाइन्छ । २५ सयदेखि ३ हजार मिटरको उचाइमा पाइने रेड पाण्डा नेपालमा ३ सय १७ देखि ५ सय ८२ को हाराहारीमा रहेको राष्ट्रिय निकुञ्ज विभागको अनुमान छ । रेड पाण्डालाई आईयूसीएनले संकटापन्न जन्तुको सूचीमा राखेको छ ।

संसारबाट हराउँदै गएको रेण्डपाण्डाको गतिविधिलाई हामीले क्यामेरामा कैद गरेका छौँ ।

हेर्नुहोस्, चिडियाखानामा लिइएका रेड पाण्डाका तस्वीरहरू: