‘उहाँलाई के भएको हो ? कसले अस्पताल भर्ना गर्यो ? कहिलेसम्म राख्ने हो कुनै जानकारी छैन, त्यहाँ उनको आफ्नो मान्छे कोही छैन’, उनले भने, ‘श्रीमान् र छोराछोरीलाई लालनपालन र शिक्षादीक्षासँगै अनेक सपनाहरू बुनेर विदेशिएकी एक पीडित नारीको यस्तो गम्भीर र दयनीय अवस्था देख्दा सुन्दा मन साह्रै विक्षिप्त भएको छ तर कसरी यहाँ ल्याउने सबैलाई चिन्ता थपिएको छ ।’

जिसी भन्छन्, ‘घरमा छोराछोरीको रोदन र चित्कारले मन भक्कानिन्छ, नेपाल सरकार, परराष्ट्र मन्त्रालय, कुवेतका लागि नेपाली राजदूतावास सबैलाई गुहार मागिएको छ, अनेक प्रयास गर्दा पनि कहीँ कतै कसैबाट उहाँलाई नेपाल ल्याउन सहयोग मिलेन ।’

महिलाको परिवारले सहयोगका लागि परराष्ट्र मन्त्रालय, नेपाली दूतावास, वैदेशिक रोजगार विभाग, कुवेतमा रहने नेपाली दाजुभाइ दिदी बहिनीहरू, एनआरएनएका प्रतिनिधि, कुवेतका लागि नेपाली दुतावास, गृहमन्त्रालय, सबैलाई अनुरोध गरेको जनाएको छ । जसरी पनि कुवेतको अस्पतालमा अलपत्र अवस्थामा रहेकी ती महिलाको उद्दार गरिदिन परिवार तथा छिमेकीको अनुरोध गरेको प्रदीपले जनाएका छन् ।