बुटवलमा जारी १५ औं राष्ट्रिय औद्योगिक प्रदर्शनी कृषि प्रविधि तथा पर्यटन महोत्सवको प्रदर्शनी को अवसरमा आयोजित प्रर्दशनी आईडलको उपाधी रुपा रौतारले जितेकी छन् ।
३३ जना प्रतिस्पर्धीलाई पछि पार्दे प्रदर्शनी आइडल २०७९ – सिजन ६ का उपाधी रुपा रौतारले चुमेकी हुन । उपाधी बिजेता रुपा रौताले नगद पुरस्कार रु. १ लाख ११ हजार १ सय ११ सहित विभिन्न पुरस्कारहरु प्राप्त गरेकी छन् ।
आइडलको दोस्रो उपाधी अञ्जली विश्वकर्माले प्राप्त गरेकी छन् । द्वितीय उपाधीको पुरस्कार रु.५५ हजार ५ सय ५५ रहेको छ भने एन्जिला क्षेत्री खत्रीले रु. ३३ हजार ३ सय ३३ पुरस्कार रहेको तेस्रो उपाधी प्राप्त गरेकी छन् ।
प्रदर्शनी आइडल–२०७९ (सिजन ६) को फाइनल कार्यक्रममा नेपालका चर्चित स्थानीय तथा राष्ट्रिय कलाकारहरुको एकल प्रस्तुती अन्तरगत आइतवार ¥यापर बाबु बिलिभर, ¥यापर ओफिम, गायिका हरिमाया रायमाझी, आधुनिक गायक रामहरि प्रेमी, लोक तथा दोहोरी गायक भरत क्षेत्री, नारायण बि.पि.,गायक तथा उद्घोषक दिपु मगर, डान्सर बबिता बोहोरा, प्रस्तुति रहेको थियो ।
कार्यक्रममा प्रदर्शनी मूल आयोजक समितिका संयोजक एवं रुपन्देही उद्योग संघका अध्यक्ष माधव प्रसाद पौडेल, प्रदर्शनी आइडल प्रायोजक एभरेष्ट होटल इनका संचालक बालाराम भट्टराई, प्रदर्शनी आइडलका संयोजक तिलक नेपाली लगायतले पुरस्कार प्रदान गरेका थिए ।