रुपन्देही । लुम्बिनी प्रदेश सभामा सभामुख र उपसभामुखको निर्वाचन नभएसम्मका लागि सभाको अध्यक्षता ज्येष्ठ सदस्यताका आधारमा सांसद डिल्लीराज भुसालले गर्ने भएका छन् ।
नेकपा एमालेको तर्फबाट गुल्मी क्षेत्र नं २ को १ बाट निर्वाचित भुसालले प्रदेशसभा सदस्यहरुमध्ये जेष्ठ सदस्यको हैसियतमा प्रदेशसभा बैठकको अध्यक्षता गर्ने भएका हुन् ।
प्रदेशसभा सदस्यहरुको सपथ ग्रहण सम्पन्न भएसंगै लुम्बिनी प्रदेश प्रमुख अमिक शेरचनले भुसाललाई निर्वाचन आयोगले दिएको जेष्ठ सदस्यको प्रमाणपत्र हस्तान्तरण गरेका थिए । नेपालको संविधान धारा १८२ को उपधारा ५ ले प्रदेश सभामुख र उपसभामुखको निर्वाचन नभएसम्मका लागि प्रदेशसभामा निर्वाचित जेष्ठ सदस्यले बैठकको अध्यक्षता गर्ने व्यवस्था गरे बमोजिम भुसालले अध्यक्षता गर्ने प्रदेशसभा सचिव दुर्लभ कुमार पुन मगरले बताए ।
लुम्बिनी प्रदेशसभाको आगामी बैठक पुस १८ गते सोमबार दिउसो बस्नेगरी तय भएको समेत सचिव पुनले जानकारी दिए ।
