पंगेनीलाई मन्दिरा गलामी स्मृति अक्षय कोषका संरक्षक गिरी प्रसाद गलामीकी धर्मपत्नी माया गलामीले पुरस्कार स्वरुप नगद रु १५ हजार,ट्रफी र प्रमाणपत्र प्रदान गरे ।

त्यस्तै प्रतियोगितामा दोश्रो हुने प्रबृत्ति बस्याललाई नगद रु १० हजार,ट्रफी र प्रमाणपत्र प्रदान गरियो । तेश्रो हुने पवन अधिकारीलाई नगद रु ५ हजार,ट्रफी र प्रमाणपत्र प्रदान गरियोे । उक्त प्रतियोगितामा कालिका मानबज्ञान माध्यमिक बिद्यालयका कक्षा ६ देखि १२ सम्म अध्ययन गर्ने कुल ९५ जना बिद्यार्थी सहभागी भएको प्रतियोगिताका संयोजक शिक्षक विवेकराज पोखरेलले बताए।

प्रतियोगितामा निर्णायकको भूमिका कलाकार दिपक श्रेष्ठ,बिनोद गुरुङ र किशोर बिकले निर्वाह गर्नु भएको थियो। बिभिन्न राउन्डबाट उपाधि बिजेता छनोट गर्ने काम भएको हो। कालिकामा अध्ययनरत बिद्यार्थीहरुको सांस्कृतिक कला विकास गराउने उद्धेश्यले मन्दिरा गलामी स्मृति अक्षयकोषको स्थापना गराईएको थियो ।कोषमा रु ५लाख नगद जम्मा गरिएको छ।

प्रतियोगीता समापन कार्यक्रमको सभापतित्व बिद्यालयका प्रधानाध्यापक दिनेश थापाले गर्नु भएको थियो भने कार्यक्रमको सञ्चालन शिक्षक विवेकराज पोखरेलले गर्नुभएको थियो। बिद्यालय ब्यबस्थापन समितिका अध्यक्ष होम बहादुर गलामीले शुभकामना मन्तव्य राखेका थिए ।

बिद्यालयमा ६२आंै वार्षिकोत्सव मनाउने क्रममा यही पुस १ गतेदेखि बिबिध कार्यक्रम सञ्चालन गरिएका छन। ७ गते मूल समारोह आयोजना गरिने छ।