लुम्बिनी प्रदेशसभा संसदीय समितिमा सर्वसम्मत नेतृत्व अर्घाखाँची सिमेन्टले एनएमबि क्यापिटल लिमिटेडलाई तोक्यो शेयरको निष्काशन तथा बिक्री प्रबन्धक गुल्मीमा आगो निभाउने क्रममा १ जनाको मृत्यु, १ घाइते लुम्बिनी प्रादेशिक अस्पताल: ६ अर्ब लागतमा अन्डरग्राउण्डसहित बन्ने छ १२ तलाको अत्याधुनिक भवन दाङमा माटोको ढिस्कोले पुरिएर दुई बालकको मृत्यु आजको मौसमः गण्डकी, लुम्बिनी, कर्णाली र सुदूरपश्चिममा बर्षा र हावाहुरी प्रहरीले सुप्रिम सहकारीको अनुसन्धान टुंग्यायो स्वर्ण महोत्सवमा प्रशिक्षण, स्वास्थ्य शिविर तथा बृहत् रक्तदान कार्यक्रम रुपन्देहीको तिलोत्तमामा भयानक बस दुर्घटना (तस्विरहरु) आजको मौसमः तीन प्रदेशमा मेघगर्जन सहित बर्षा हुने                
समाचार :

रूपन्देहीका सहायक प्रमुख जिल्ला अधिकारी अर्यालको हस्ताक्षर कीर्ते गरेको आरोपमा दास पक्राउ

हस्ताक्षर कीर्ते गरेको आरोपमा महोत्तरीबाट एक जना महामहन्तलाई प्रहरीले पक्राउ गरेको छ।

जिल्‍ला प्रहरी कार्यालय महोत्तरीले आइतबार बिहान मटिहानी मन्दिरका महामहन्त जगरनाथ दासलाई पक्राउ गरेको एसपी कृष्ण पंगेनीले जानकारी दिए।

उनलाई पक्राउ गरी आइतबार नै रूपन्देही पठाइएको छ। दास महोत्तरीमा चर्चित व्यक्ति हुन्।

उनले रूपन्देहीका सहायक प्रमुख जिल्ला अधिकारी रामचन्द्र अर्यालको हस्ताक्षर कीर्ते गरेको आरोप छ।

सहायक जिल्ला अधिकारी अर्यालका अनुसार उनले बैंकमा रहेको ७० लाख ८३ हजार रुपैयाँ निकाल्न खोजेका थिए। दासको नाममा रहेको रुपन्देहीको मेगा बैंकको खाता रोक्का गरिएको छ।

रोक्का भएपछि उनले महोत्तरीको शाखाबाट रकम निकाल्न खोजेको आरोप छ।

उक्त रकम निकाल्नको लागि बैंकमा अर्यालको हस्ताक्षर सहितको निवेदन पेश गरेका थिए। त्यसरी निवेदन प्राप्त भएपछि बैंकले पनि जिल्ला प्रशासन कार्यालय रुपन्देहीलाई बोधार्थ राखेर पत्र पठाएको थियो।

‘हामीलाई बोधार्थ राखेर निवेदन प्राप्त भयो भनेर पत्र आयो। जबकि यहाँबाट त्यस्तो कुनै पनि खालको पत्र पठाइएको छैन,’ अर्यालले भने, ‘त्यसपछि हामीले अनुसन्धान अघि बढाउन थालेका हौं।’

हस्ताक्षर कीर्ते गरेको थाहा पाएसँगै उनले बैंकमा रहेको उक्त रकम निकाल्न नपाएको उनले बताए। उनीमाथि जिल्ला प्रहरी कार्यालय रूपन्देहीले थप अनुसन्धान गर्नेछ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार