लुम्बिनी प्रदेशको स्थायी राजधानी दाङमा झण्डातोलन गर्दै प्रदेश प्रमुख अमिक शेरचन
नाम र राजधानी तोकिएको २ वर्ष २ महिनापछि लुम्बिनी प्रदेशको स्थायी मुकाम दाङबाट प्रदेश सरकारको काम सुरु भएको छ । बुधबार एक कार्यक्रमको आयोजना गरि प्रदेश प्रमुख अमिक शेरचनले झन्डोत्तोलन गर्दै लुम्बिनी प्रदेशको स्थायी राजधानीको शुभारम्भ गरेका हुन् ।
कार्यक्रममा लुम्बिनी प्रदेशका मुख्यमन्त्री कुलप्रसाद केसीले लुम्बिनी प्रदेश सरकारको स्थायी राजधानी कार्यान्वयन भएको घोषणा र सरकारको निशान छाप परिवर्तन भएको घोषणा गरेका थिए । मुख्यमन्त्री केसीले समग्र लुम्बिनीको बिकासलाई आफुहरुले प्राथमिकतामा राखेर काम गरेको र अब आउने नयाा सरकाले पनि यसलाई निरन्तरता दिने बताए । स्थायी राजधानी कार्यान्वयनको खुसीयालीमा दाङको पुर्वपश्चिम राजमार्गका विभिन्न स्थानमा स्वागतद्वार निर्माण गरिएको थियो भने दाङका विभिन्न पालिकाबाट सांस्कृतिक जुलुस तथा झाँकी प्रदर्शन गरिएको थियो ।
