बागेश्वरी कला केन्द्र तथा संगीत एकेडेमी २५ औं वर्षमा देवशिद्ध खानेपानी तथा सरसफाई उपभोक्ता संस्था द्वारा सार्वजनिक शौचालय र धारा निर्माण भैरहवाको ‘सिद्धार्थ भिलासा’लाई ‘पाँच तारे होटल’को मान्यता पाल्पामा १९ वर्षीया पद्मा सुनारकाे हत्या गर्ने सार्वजनिक जमुनाह नाकामा रहेको अध्यागमन कार्यालय करिब तीन वर्षदेखि कामविहीन एमाले रुपन्देहीको अधिवेशन जेठमा नुहाउन गएकी प‌द्माको छिमेकीबाटै हत्या, सागरको घरमा भेटियो रगत लतपतिएको खुर्पा र किशोरीको मोबाइल लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी                
समाचार :

नेशनल प्याब्सन लोक नृत्य तथा गायनको उपाधि देवदह र न्यु नमुनालाई

 

बुटवल । नेशनल प्याब्सन जिल्ला स्तरीय लोक नृत्य तथा गायन प्रतियोगिताको उपाधि देवदह बोर्डिङ स्कुल र न्यु नमुना बोर्डिङ स्कुल देवदहले जितेका छन् ।

राष्ट्रिय निजी तथा आवासिय विद्यालय एशोसियशन नेपाल नेशनल प्याब्सन रुपन्देहीको आयोजनामा भएको लोक नृत्य तथा गायन प्रतियोगितामा नृत्यतर्फ देवदह बोर्डिङले र गायनतर्फ न्यु नमुना बोर्डिङले उपाधी जितेकी हुन् । नृत्यतर्फ विजयी हुने समुहले नगद १० हजार तथा गायनतर्फ विजयी न्यु नमुनाका विद्यार्थी स्पर्श अधिकारीले ५ हजार नगद शिल्ड तथा प्रमाणपत्र हात पारिन् । नृत्य तथा गायन प्रतियोगितामा ढाई दर्जनबढी प्रतिप्रर्धी विद्यार्थीहरुलाई पछिपार्दै उनीहरुले उपाधि उचालेका हुन् ।

प्रतियोगितामा नृत्यतर्फ १६ समुह र गायनतर्फ १३ जना विद्यार्थीले प्रतिस्प्रर्धा गरेका थिए । प्रतियोगितामा नृत्यतर्फ स्कलर्स होम बुटवल द्वितीय, न्यु नमुना तृतिय र लुम्विनी बोर्डिङले प्रोत्साहन पुरस्कार जितेको नेशनल प्याब्सनका सहसचिव विनोद थापाले जानकारी दिनुभयो । उनीहरुले क्रमश ७ हजार, ५ हजार र ३ हजार नगद शिल्ड तथा प्रमाणपत्र हात पारे ।

यस्तै गायनतर्फ ग्यालेक्सि बोर्डिङ बुटवलका विद्यार्थी अमन काफ्ने द्वितीय, स्कलर्स होम बोर्डिङ स्कुल बुटवलका विद्यार्थी रेनुका सुनार तृतिय र एचिभर्स एकेडेमीका विद्यार्थी निनिशा थापाले प्रोत्साहन पुरस्कार हात पारिन् । उनीहरुले क्रमश ३ हजार ५ सय, २ हजार र १ हजार नगद शिल्ड तथा प्रमाणपत्र हात पारेको सहसचिव थापाले जानकारी दिए ।
नेशनल प्याब्सनका जिल्ला अध्यक्ष पुरुषोत्तम बस्यालको अध्यक्षतामा भएको कार्यक्रमको उद्घाटन गर्दै उर्जा तथा सिचाई मन्त्री बिर बहादुर रानाले शैक्षिक जगतमा ठुलो लगानी निजी क्षेत्रले गरेकाले शैक्षिक लगानी सुरक्षाका लागि सरकार सकारात्मक रहेको बताए । शैक्षिक जनशक्ति उत्पादनमा निजीले पुर्याएको योगदानको चर्चा गर्दै उनले सरकारले शिक्षामा विभेदकारी नीति ल्याउन नहुने बताए । शैक्षिकसँगै अतिरिक्त कृयाकलापमा विद्यार्थीको सहभागिताले बौद्धिकसँगै दक्षताअभिवृद्धिमा महत्वपुर्ण भुमिका खेल्ने भएकाले समयसमयम गायन, नृत्य लगायतका अतिरिक्त कृयाकलापमा विद्यार्थीको रुची र सहभागिता बढाउन पर्नेमा जोड दिए । नेशनल प्याब्सनका सचिव बाबुराम बन्जाडेको संचालनमा भएको कार्यक्रममा नेशनल प्याब्सनका केन्द्रीय सचिव कृष्णप्रसाद पौडेल, केन्द्रीय सदस्य देउप्रकाश राई, बालाकृष्ण तिवारी, विष्णुप्रसाद पौडेल, प्रदेश सहसचिव जेबी क्षेत्री, उपाध्यक्ष विल गुरुङ, सल्लाहकार राजु गुरुङ्ग, तिलब केसी, कोषाध्यक्ष अमरनाथ पाठक लगायतले विजयी विद्यार्थीहरुलाई बधाई तथा शुभकामना दिएका थिए । कार्यक्रममा नृत्यकार अनु रजक, संगितकर्मी दिपक श्रेष्ठ, बसन्त श्रेष्ठले निर्णायकको भुमिका निभाउनु भएको कार्यक्रममा लोक गितमा साँस्कृतीक नृत्य तथा नेपाली विभिन्न गितमा विद्यार्थीहरुले आआफ्नो प्रतिभा सहित प्रतिस्प्रर्धा गरेका थिए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार