बुटवल । गृहमन्त्री बालकृष्ण खाणले मतदान गरेका छन् । उनले रुपन्देहीको तिलोत्तमा नगरपालिका ८ को ज्योति आधारभुत माविमा मतदान गरेका हुन् ।
गृहमन्त्री खाण रुपन्देही क्षेत्र नं. ३ का नेपाली कांग्रेसका उम्मेदवार हुन् । मतदानपछि सञ्चारकर्मीसँग कुराकानी गर्ने क्रममा उनले यो चुनावपछि बन्ने सरकारले नागरिकको जिवनस्तर फेर्ने बताए । उनले शान्ति, स्थायी राजनीति र विकासका लागि यो निर्वाचन महत्वपूर्ण रहेको बताए ।
गृहमन्त्री खाणले लोकतन्त्रमा कसलाई नेतृत्वमा पठाउने भन्ने निर्णाय जनताले गर्ने बताए । उनले यसअघिको तुलनामा यो निर्वाचन शान्तिपूर्ण भएको बताए ।
