प्रतिनिधिसभा र प्रदेशसभा निर्वाचनको मतदानको निर्धारित समय सकिएको छ ।
बिहान ७ बजेदेखि सुरु भएको मतदान साँझ ५ बजे सकिएको हो । यद्यपी, मतदानस्थलभित्र ५ बजेअघि नै प्रवेश गरेका मतदाताले भने मतदान गर्न पाउनेछन् । यसैगरी केही स्थानमा झडप भएका कारण रोकिएको मतदानको समय पनि थप गरिएको छ ।
निर्वाचन आयोगले देशभर छिटपुट घटनाबाहेका शान्तिपूर्ण रुपमा मतदान सम्पन्न भएको जनाएको छ । तर, आयोगले दाबी गरेअनुसार मतदाताको उत्साहपूर्वक उपस्थिति भने मनाङ र मुस्ताङ जिल्लामा बाहेक अन्त देखिएन । आयोगले देशभर ७० प्रतिशत मतदान हुने दाबी गरेको थियो ।
