लुम्बिनी प्रदेशसभा संसदीय समितिमा सर्वसम्मत नेतृत्व अर्घाखाँची सिमेन्टले एनएमबि क्यापिटल लिमिटेडलाई तोक्यो शेयरको निष्काशन तथा बिक्री प्रबन्धक गुल्मीमा आगो निभाउने क्रममा १ जनाको मृत्यु, १ घाइते लुम्बिनी प्रादेशिक अस्पताल: ६ अर्ब लागतमा अन्डरग्राउण्डसहित बन्ने छ १२ तलाको अत्याधुनिक भवन दाङमा माटोको ढिस्कोले पुरिएर दुई बालकको मृत्यु आजको मौसमः गण्डकी, लुम्बिनी, कर्णाली र सुदूरपश्चिममा बर्षा र हावाहुरी प्रहरीले सुप्रिम सहकारीको अनुसन्धान टुंग्यायो स्वर्ण महोत्सवमा प्रशिक्षण, स्वास्थ्य शिविर तथा बृहत् रक्तदान कार्यक्रम रुपन्देहीको तिलोत्तमामा भयानक बस दुर्घटना (तस्विरहरु) आजको मौसमः तीन प्रदेशमा मेघगर्जन सहित बर्षा हुने                
समाचार :

गठबन्धनको खटपट र कांग्रेसको असन्तुष्टिले विनोद चौधरीलाई सकस

परासी । गठबन्धनको खटपट र कांग्रसभित्रको असन्तुष्टिले अहिले  अर्बपति विनोद चौधरी तनावमा छन्। पार्टीभित्रका असन्तुष्ट नेता मिलाउन हम्मे-हम्मे परिरहेका बेला गठबन्धन घटक माओवादी केन्द्रबाट उम्मेदवारी दिएका प्रदेशसभा सदस्यको उम्मेदवारीले चौधरीलाई झन सकस थपेको छ।

चौधरीले नेपाली कांग्रेसबाट नवलपरासी पश्चिमको क्षेत्र नं. १ बाट प्रतिनिधिसभा सदस्य पदमा उम्मेदवारी दिएर चुनावी मैदानमा उत्रिएका छन्। त्यस क्षेत्रमा कांग्रेसका प्रभावशाली नेताका रुपमा मानिएका लुम्बिनी प्रदेशका पार्टी महामन्त्री विक्रम खनालले टिकट पाउने पक्कापक्की जस्तै थियो। तर चौधरीले पार्टी सभापति एंव प्रधानमन्त्री शेरबहादुर देउवाको बलमा टिकट हत्याउन सफल भएपछि खानाल पक्षका नेता कार्यकर्ता असन्तुष्ट छन्।

हरेक दिन चौधरी घरदैलोसहित चुनावी प्रचार प्रसारमा जमेर लागेका छन्। तर चुनावी कार्यक्रममा खनाल देखिएका छैनन्। अहिलेसम्म भएका कार्यक्रमध्ये एक दिनमात्र खनाल चौधरीको चुनावी सभा पुगेका थिए। अन्य दिनमा भने खनाल विभिन्न काम देखाउँदै चुनावी कार्यक्रममा जानबाट पन्छिने गरेका छन्।

पार्टीभित्रको असन्तुष्टिसँगै गठबन्धन घटकको माओवादी केन्द्रको असन्तुष्टले पनि चौधरीलाई चुनाव जित्नमा चुनौती थपेको विश्लेषण गरिएको छ। प्रदेशसभा निर्वाचन क्षेत्रको ‘ख’मा माओवादी केन्द्रलाई दिएर चुनावमा जाने केन्द्रीय सहमति थियो। तर जिल्लामा माओवादी केन्द्रका रामानन्द यादवले उम्मदेवारी दिइसकेपछि कांग्रेसले पनि उम्मेदवारी दिएको छ। यसले गठबन्धनबीच खटपटको स्थिति छ।

चौधरीले गठबन्धनबाट माओवादी केन्द्रका उम्मेदवारलाई लिएर भोट नमागे समर्थन फिर्ता लिने अर्को पक्षका नेताले चेतावनी दिएपछि चौधरी अहिले दोधारमा छन्। सोमबारसम्म आफूलाई समर्थन नगरे चौधरीलाई पनि समर्थन गर्न नसकिने माओवादी केन्द्रका प्रदेशसभा उम्मेदवार एंव जिल्ला संयोजक रामानन्द यादवले बताएका छन्

माओवादी केन्द्रबाट उम्मेदवारी दिएका यादव पार्टीका जिल्ला संयोजक हुन्। माओवादीका एक पक्ष नेताले चौधरीलाई समर्थन गरेको विज्ञप्ती निकालेका छन्। तर गठबन्धनको सहमतिविपरीत चौधरीले कांग्रेसका उम्मेदवारलाई लिएर चुनावी कार्यक्रममा जाने गरेका छन्।

चौधरीले गठबन्धनबाट माओवादी केन्द्रका उम्मेदवारलाई लिएर भोट नमागे समर्थन फिर्ता लिने अर्को पक्षका नेताले चेतावनी दिएपछि चौधरी अहिले दोधारमा छन्। सोमबारसम्म आफूलाई समर्थन नगरे चौधरीलाई पनि समर्थन गर्न नसकिने माओवादी केन्द्रका प्रदेशसभा उम्मेदवार एंव जिल्ला संयोजक रामानन्द यादवले बताएका छन्। त्यस क्षेत्रबाट चौधरीसँग जनता प्रगतिशिल पार्टी (जप्रपा) का अध्यक्ष हृदयेश त्रिपाठी एमालेसँगको तालमेलमा चुनावमा होमिएका छन्। त्रिपाठीलाई जसपाले पनि समर्थन गरेको छ।

स्थानीय तह निर्वाचनको मत परिणामअनुसार एमाले, जसपा र जप्रपाको मत जोड्दा त्रिपाठीको पक्षमा ३४ हजार ९९९ रहेको छ। माओवादी केन्द्रबाहेक नेपाली कांग्रेससहितको गठबन्धनको मत जोड्दा चौधरीको पक्षमा ३१ हजार ७४१ रहेको छ।

माओवादीको मत चौधरीको पक्षमा नआए त्रिपाठी ३ हजार २५८ मतले अघि छन्। त्यस क्षेत्रमा माओवादीको मत ५ हजार ३४९ छ। माओवादीको मत र असन्तुष्ट कांग्रेसको मत बिच्किए चौधरीलाई चुनाव जित्न सहज नभएको जिल्लाको राजनीति वृत्तमा विश्लेषण हुन थालेको छ। दुवै उम्मेदवारहरुको चुनावी प्रचार प्रसारलाई हेर्दा प्रतिस्पर्धा भने टक्कर भएर जाने मतदातामा चर्चा छ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार