बुटवल । लुम्बिनी प्रदेशका पुर्व मन्त्री तथा नेकपा एमाले रुपन्देही क्षेत्र नं २ (१) का उम्मेदवार लिला गिरीले आईतबार विहान तिलोत्तमा ५ मा घरदैलो कार्यक्रम गरे ।
नयाँमिल पश्चिमबाट सुरु भएको घरदैलो कार्यक्रम मणिग्राम पुगेको थियो । सो अवसरमा उनले मतदाताबाट विजयीको आर्सिबाद थापेका थिए । कतिपय मतदाताले सुझाव र सल्लाह समेत दिएका थिए ।
मतदाताको घरदैलोमा मत माग्दै पुगेका गिरीलाई मतदाताहरुले सडकको स्तरोन्नती, नाली व्यवस्थापन गरिदिन माग गरेका थिए ।
उनले एमाले नेतृत्वको सरकार बनेपछि सधै सेवक बनेर काम गर्ने र विकास निर्माणका काम, मानवीय विकासका योजनाहरु एकसाथ कार्यान्वयनमा लगिने बताए । साथै तिलोत्तमामा रहेका खेलमैदानको स्तरोन्नतीका लागि पनि आफु लाग्ने उनले बताए ।
बुटवलको गौतमबुद्ध मुटु अस्पताललाई आवश्यक जग्गाको प्रबन्ध गर्न आफु प्रतिबद्ध रहेको सो अवसरमा उनले बताए ।
