देवदह नगरपालिकामा तालाबन्दी – ‘मेयर र अधिकृतको काम गर्ने शैलीबाट आत्तिएर आक्रमण’ लुम्बिनी अस्पताललाई पश्चिम क्षेत्रकै विशिष्टकृत अस्पतालको रुपमा बिकास गछौं- मन्त्री खनाल बुटवलको पशु बधशाला सञ्चालनको तयारी आजको मौसम: यी प्रदेशमा वर्षा र हिमपातको सम्भावना को हुन् ? प्रहरीको हतियार खोस्न खोज्ने देवदहका जनप्रतिनिधी ! (फोटो फिचर) मगर दिवस : भाेलि बुटवल उपमहानगरमा स्थानीय बिदा मगर दिवस : फागुन १५ गते तिलोत्तमामा स्थानीय बिदा नवनियुक्त याेजना प्रमुखलाई लुम्बिनीमा स्वागत प्रहरीले बोकेको टियर ग्याँसको हतियार कांग्रेस र राप्रपाका जनप्रतिनिधिले खोस्ने प्रयास गरेपछि देबदह नगरपालिकामा तनाव लुम्बिनी प्रादेशिक अस्पतालमा थप नयाँ प्रविधि : डुओडेनोस्कोपी सेवा शुरु                
समाचार :

रुपन्देही क्षेत्र नं. ५ : सडक सञ्जाललाई व्यवस्थित रुपमा विकास गर्न गुरुयोजना बनाइने

लुम्बिनी। रुपन्देहीको क्षेत्र नं. ५ मा रहेका सडकहरुलाई व्यवस्थित र योजनाबद्ध रुपमा विकास गर्न गुरुयोजना निर्माण गरिने भएको छ । नेकपा एमालेलेल सडकहरुलाई आवश्यकता र औचित्यको आधारमा विस्तार गरी कालोपत्रेको साथसाथैं अन्य पूर्वाधार विकास गर्न गुरुयोजना बनाउने प्रतिबद्धता जनाएको हो ।

एमालेले आसन्न प्रतिनिधि तथा प्रदेशसभा निर्वाचनको सन्दर्भमा जारी गरेको प्रतिबद्धता पत्रमा विस्तृत सडक गुरुयोजना तयार पार्ने कार्य संघीय, प्रदेश र स्थानीय सरकारको सहकार्यमा गरिने उल्लेख छ । एमालेले सालझण्डी—वनकट्टा—ताली—भचना—गजेडी हुँदै क्रान्तिचोक जोड्ने सडक निर्माण पूरा गर्ने, कलौनी—लुम्बिनी सडकलाई चार लेन बनाउने प्रतिबद्धता जनाएको छ ।

यस्तै बाँसगढीदेखि गजेडी हुँदै सूर्यपुरा जोड्ने कृषि सडकको स्तरोन्नती गर्ने, कञ्चन—लुम्बिनी—गैडहवा—मायादेवी—शुद्धोधन—सियारी जोड्ने सडक निर्माण गर्ने, मूर्गिया—हसनापुर—धुसुवा—सूर्यपुरा—पहाडिया कुट्ट—लुम्बिनी र बुद्धनगर—किसुली बेलवालगायतका उत्तर—दक्षिण जोड्ने सडकमा आवश्यकता अनुसार पुल निर्माण गरिने पनि एमालेको प्रतिबद्धता छ ।

फारलाइनदेखि रुद्रपुर—विसनुपुरा हुँदै लुम्बिनी जोड्ने सडकलाई दुई लेन बनाउने, कक्रहवा—लुम्बिनी—सालझण्डी—ढोरपाटन सडकको निर्माणलाई तीव्रता दिइने, महजिदियादेखि धमौली हुँदै सूर्यपुरा सडकको स्तरोन्नती गरी कालोपत्रे गर्ने, हुलाकी सडक, कृषि सडक र मुख्य सडकहरुलाई स्तरोन्नती गरी कालोपत्र गर्ने पनि एमालेको प्रतिबद्धता पत्रमा उल्लेख छ ।

लुम्बिनी—तिरौलाकोट—सैनामैना—बुटवल—देवदह जोड्ने गरी बुद्ध सर्किट सडक निर्माणमा जोड दिने, दातृ संस्थाहरुको सहयोग समेतमा निर्माण हुने पश्चिम शहरी करीडोर योजना कार्यान्वयनमा सहयोग गर्ने, शान्ति सुरक्षाको लागि आवश्यकता अनुसार प्रहरी चौकी थप गर्ने समेत एमालेको प्रतिबद्धता पत्रमा उल्लेख गरिएको छ ।

छोटो दुरीका बाटाघाटा गाभ्रेल तथा कालोपत्रे गर्ने कार्यमा स्थानीय सरकारसँग सहकार्य गरिने एमाले उम्मेदवारहरुले जनाएका छन् । मंसिर ४ गते हुने निर्वाचनमा जसपा र राप्रपासँग तालमेल गरेको एमालेले रुपन्देही क्षेत्र नं. ५ मा प्रतिनिधिसभातर्फ बासुदेव घिमिरे र प्रदेशसभा तर्फ भूमिश्वर ढकाल तथा रामचन्द्र यादवलाई उम्मेदवार बनाएको छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार