जिल्ला सुरक्षा समितिले निर्वाचनस्थलको निरीक्षण अनुगमनपछि वर्गीकरण गरेको हो। जिल्लामा विगतका निर्वाचनमा भएका गतिविधि, सुरक्षा संवेदनशीलतालगायतका विषयमा छलफल गरि मतदानस्थलको वर्गीकरण गरिएको बताए। ‘पहिला भएका निर्वाचनमा देखिएका गतिविधि र अब हुनसक्ने गतिविधिलाई आधार बनाइ वर्गीकरण गरिएको हो’, उनले भने।

समितिले १०७ वटा मतदानस्थललाई संवेदनशील र ९९ मतदानस्थललाई सामान्यको सूचीमा राखेको छ। प्रमुख जिल्ला अधिकारी मिश्रले निर्वाचनस्थलको निरीक्षणपछि मतदानस्थलको सूचि निर्धारण गरिएको बताए। गत स्थानीय निर्वाचनमा २३५ मतदानस्थल र ४६८ केन्द्र राखिएको थियो। यसपटक मतदानस्थल एउटा घटाएर २३४ र मतदान केन्द्र चारवटा बढाएर ४७२ कायम गरिएको छ।

निर्वाचनका लागि तीन हजार सात कर्मचारी परिचालन गरिने जिल्ला निर्वाचन कार्यालयले जनाएको छ। प्रत्येक केन्द्रमा स्वयंसेवक कर्मचारी स्थानीयरूपमा नै नियुक्त गरिनेछ। तीन वटै क्षेत्रमा निर्वाचन अधिकृतको कार्यालय स्थापना भइसकेको छ।

कपिलवस्तुमा प्रतिनिधिसभाका तीन र प्रदेशसभाका ६ गरि कूल ९ पदका लागि १४३ उम्मेदवार छन्। जिल्लामा दुई लाख दुई हजार एक सय २५ पुरुष, एक लाख ७६ हजार एक सय पाँच महिला र दुई अन्य गरी कूल तीन लाख ७८ हजार दुई सय ३२ मतदाता छन्।