बुटवल । रुपन्देहीको कञ्चन गाउंपालिकाका २ नाबालिक लाई सामुहिक बलात्कर गर्ने ९ जनालाई ईलाका प्रहरी कार्यालय सालझण्डीले पक्राउ गरेको छ ।
गत बुधबार सांस्कृतिक कार्यक्रम हेरी दाजुहरुसंगै घर फर्केने क्रममा नाबालिकहरुलाई मोटरसाईकलमा आएका युवाहरुले अपहरण गरी बलात्कार गरेको आरोपमा ९ जनालाई पक्राउ गरेको हो । नाबालिकहरुलाई बलात्कार गर्नुअघि युवाहरुको टोलीले संगै रहेका दाजुलाई आक्रमण गरेका थिए ।
प्रहरीले १६ बर्षिय नाबालिक लाई ६ जनाको समुहल कञ्चन २ स्थितको गोफ्लापुर कुडियाखोला किनार बगरमा बलात्कार गरेको र अर्की १५ बर्षिय नाबालिकलाई ७ जनाले देउराली सामुदायिक बनमा लगेर सामुहकि बलात्कार गरेको आरोपमा ९ जनालाई पक्राउ गरिएको रुपन्देहीका प्रहरी प्रबक्ता प्रहरी नायव उपरिक्षक श्याम अर्यालले बताए ।
पक्राउ पर्नेमा सैनामैना नगरपालिका वडा नं ११ वनकट्टीका वर्ष १९ का पदम कार्की, सोही स्थानका १६ बर्षीय परिवर्तित नाम विष्णु, गैंडहवा ८ का १८ बर्षिय राहुल परियार, १७ बर्षिय परिवर्तित पि एम रहेका छन् ।
यसैगरी सैनामैना ११ का १८ बर्षीय बबि पाण्डे, १५ बर्षिय परिवर्तित नाम साजन, गैंडहवा ८ का २६ बर्षीय राम बहादुर वि.क., १६ बर्षिय परिवर्तित प्रकाश र १४ बर्षिय एक बालक रहेको ईलाका प्रहरी कार्यालय सालझण्डीका प्रहरी निरीक्षक जगन्नाथ मरासिनीले बताए ।
उनले अपहरण र सामुहिक जवरजस्ती करणीमा १३ जना व्यक्तिहरुको समुह संलग्न रहेकोमा ९ जना पक्राउ परेका र अन्य व्यक्तिहरुको खोजी भैरहेको बताए । पक्राउ परेका हरुलाई अपहरण र करणी सम्बन्धि कसुरमा म्याद थप गरी थप अनुसन्धान भैरहेको उनले बताए ।
प्रहरीले पक्राउ परेका व्यक्तिहरुबाट ३ वटा मोटरसाईकल, २ वटा मोबाईल बरामद गरेको छ ।
