‘यसबाट हामी सबै सचेत हुन र निर्वाचनमार्फत त्यस्तो रणनीनिमा लाग्ने शक्तिहरूलाई परास्त गर्न आम नागरिकलाई मैले आग्रह गर्छु’, उनले भने । नेपाली काँग्रेसका प्रभावशाली केन्द्रीय समस्यसमेत रहेका गृहमन्त्री खाँणले जुन दलले सरकार बनाउन सक्दैन, भोलि कुनै योजना क्षेत्रमा पार्नै सक्दैन त्यस्ता दललाई मत हालेर कुनै अर्थ नरहेन बताए । ‘निर्वाचनमा होमिएका केही दलहरुको संसदमा उपस्थिति नै नगन्य मात्रामा हुन्छ, ती दलबाट कसरी विकास र समृद्धिको जनताले आशा गर्ने ? कसरी विश्वास गर्ने ?’, उनले भने, ‘पाँच दलीय गठबन्धनको त अहिले पनि सरकार छ, भोलि निर्वाचन पछि पनि हुन्छ, यही गठबन्धनले विकास गर्छ, जनचाहनाअनुसार काम गर्छ ।’

लामो संघर्ष पश्चात् ल्याएको व्यवस्थामा नागरिकको अवस्था परिवर्तन गर्न कांग्रेस, माओवादी, एकीकृत समाजवादी, लोकतान्त्रिक समाजवादी र जनमोर्चाबीच गठबन्धन गरेर निर्वाचनमा होमिएको बताउँदै गृहमन्त्री खाँणले निर्वाचनपछि बन्ने गठबन्धन सरकारले नागरिकको अवस्था परिवर्तन गर्ने रणनीतिक योजना ल्याउने बताए । मुलुकमा शान्ति, स्थिरता, सुशासन र विकास एउटै दलले बहुमत ल्याएर गर्न अफ्ठ््यारो पर्ने भएकाले गठबन्धन गरेर निर्वाचनमा होमिएको उनको भनाइ थियो । गठबन्धन सरकार निर्माणका लागि मात्रै नभएर मुलुकमा शान्ति स्थापना गरि अग्रगमनको बाटोमा लैजान गरिएको उनको भनाइ थियो ।

प्रदेश सभा (क) का उम्मेदवार लोसपा नेता एवं पूर्वमन्त्री सन्तोषकुमार पाण्डेयले जनताको काम गर्ने र जनताका गुनासा सुन्ने उम्मेदवारलाई मत दिन आग्रह गरे । उनले गठबन्धनको जित शुनिश्चित भइसकेको भन्दै नेता खाँणलाई भावी प्रधानमन्त्री बनाउने गरी रुपन्देहीबासीले फराकिलो मतान्तरले जिताएर पठाउनुु पर्ने बताए । ‘हाम्रो जित सुनिश्चित भइसकेको छ, अब कति मतान्तरले जित्ने भन्ने मात्रै हो, यसका लागि सबै मतदाताले गठबन्धनको पक्षमा प्रचारप्रसार गर्नुस्, मत दिनुस्’, उनले भने ।