अर्घाखांचीको सन्धिखर्कमा मोटरसाइकल दुर्घटना परि अर्घाखाँचीमा दुई जनाको मृत्यु भएको छ। भने अन्य २ जना घाइते भएका छन्।
गएराती करिव ११ बजे आसपास भएको उक्त दुर्घटनामा परि सन्धिखर्क नगरपालिका वडा नं. १ का २६ वर्षीय रोशन सुनाम र २२ बर्षीय कृतिम रायमाझीको घटनास्थलमै मृत्यु भएको जिल्ला प्रहरी कार्यालय अर्घाखांचीले जनाएको छ।
साथीहरु मिलेर सांझपख घुम्न निस्कीएका ४ जना सवार २ वटा मोटरसाईकल सन्धिखर्क नगरपालिका वडा नं. १० शिखरबार्नीमा निर्माणाधिन बिमानस्थलको धावनमार्गमा दुर्घटनामा परेका थिए।
जिल्ला प्रहरी प्रमुख प्रहरी नायव उपरिक्षक मुकुन्द रिजालका अनुसार मृतकहरु दुबै जना २–०३८ प ५०३२ नम्बरको मोटरसाइकलमा सवार थिए। उनीहरु सवार मोटरसाईकल धावनमार्गबाट १ मिटर भन्दा बढी तल खसेको छ।
संगसंगै दुर्घटनामा परि बा २५ प ८८७६ नम्बरको मोटरसाइकलमा सवार सन्धिखर्क– २ का ५७ वर्षीय हेमराज भुसाल र २० बर्षीय विष्णु पराजुली घाइते भएका छन्। घाइते दुबै जनालाई थप उपचारका लागी बुटवल ल्याईएको छ।
मृतक दुबै जनाको शब पोष्टमार्टमका लागि जिल्ला अस्पतालमा सन्धिखर्कमा राखिएको र घटनाबारे अनुसन्धान भईरहेको प्रहरीले बताएको छ। प्रहरीको प्रारम्भिक अनुसन्धानबाट तिब्रगतिमा गुडेका मोटरसाईकलका चालकले धावनमार्गको अगाडीको अवस्था बारे थाहा नपाउदा दुर्घटना भएको हुन सक्ने देखिएको बताएको छ।
