बुटवल । भोली भाईटिकाको लागि अति आवश्यक मानिने मालाको बजारमा अभाव भएको छ । पुष्प व्यवसायीहरुले लुम्बिनी प्रदेश फूलमा आत्मनिर्भर भएको बताएपनि भाईटिकाको अघिल्लो दिन बजारमा फूलको माला अभाव छ ।
यताकता फाट्टफुट्टे माला पाइहाले पनि मनलाग्दी मुल्यमा व्यापारीले माला विक्रि गरिरहेका छन् । ट्राफिकचोकमा माला खरिद गर्न योगिकुटी आएकी मनिषा अर्यालले खुद्रा व्यापारीले प्रति मालामो १ सय प्रतिशत बढि नाफा खाएर विक्रि गर्ने गरेको गुनासो गरिन । माला अभाव हुँदा माला ढुवानी भइरहेको गाडिमा माला खरिद गर्न ठेलमठेल भिड समेत लागेको थियो ।
प्रति गोटा माला अहिले बजारमा २ सय देखि ३ सय सम्ममा विक्रि भइरहेको छ । व्यापारी पिच्छे मालाका मुल्य फरक–फरक भएपनि बजारमा अनियन्त्रिक भइरहेको मुल्यबृद्धि नियन्त्रण रोक्न र अनुगमन गर्न सरोकार वाला निकायलाई चासो छैन् । हरेक बर्ष चाडपर्वमा व्यापारीहरुले मुल्यबृद्धि गरिरहदा नियमन निकाय रमिते मात्र बनेको छ ।
